Bloomberg: Apple har yili yangi mahsulotlar chiqarilishidan voz kechishi mumkin
Kompaniya har yili o‘z qurilmalarining yangi versiyalarini taqdim etib keladi, ammo kelajakda yanada moslashuvchan yondashuvga o‘tishni rejalashtirmoqda. Buning yordamida yanada sifatli va original mahsulotlar yaratish mumkin bo‘ladi va tartibsiz ravishda ishlab chiqarishning oldi olinadi.
Apple har yili o‘z mahsulotlarining yangi seriyalarini chiqarishni to‘xtatishni rejalashtirmoqda, deb xabar berdi Bloomberg sharhlovchisi va insayderi Mark Gurmanga tayanib.
Kompaniya hozirda har yili o‘z qurilmalarining yangi versiyalarini taqdim etadi, ammo kelajakda yanada moslashuvchan yondashuvga o‘tishni rejalashtirmoqda. Buning yordamida yanada sifatli va original mahsulotlar yaratish mumkin bo‘lishi kutilmoqda.
Kuzatuvchining fikricha, korporatsiya allaqachon iPad, Apple Watch va MacBook’ning yangi versiyalarini tartibsiz ravishda chiqarmoqda. Shu bilan birgalikda, iPhone har yili chiqarilishi davom etadi, deya qo‘shimcha qilgan u.
Gurman, shuningdek, Apple foyda va sifat o‘rtasidagi muvozanatni topishi kerak deb hisoblaydi.
“Ko‘rinishidan, Apple yanada moslashuvchan yondashuvga o‘tmoqchi. Bunda mahsulot to‘liq tayyor deb hisoblangandagina chiqaradi va tayyor bo‘lmaguncha chiqarmaydi”, deydi u.
OAV xabarlariga ko‘ra, Apple 2025 yil boshida Face ID bilan iPhone SE’ni chiqaradi. Bo‘lajak smartfon dizayni hozirgi iPhone’lar uslubida bo‘ladi, ya’ni uning ekrani “Home” tugmasisiz yupqa ramkalar bilan bezatilgan va biometrik Face ID sensori qo‘shiladi. Kompaniya iPhone SE bilan bir qatorda 11 va 13 dyuymli iPad Air planshetlarini ham taqdim etadi.
