Volkswagen hushdan ketgan haydovchilarni qutqaruvchi xavfsizlik tizimi yaratdi
Volkswagen yangi xavfsizlik funksiyasi – sun’iy intellektga asoslangan “SOS rejimi”ni taqdim etdi. Tizim haydovchining holatini kuzatib, hushdan ketish yoki sog’lig’ida yomonlashuv belgilarini aniqlaganda, darhol chora ko‘radi. Yangi funksiya haydovchi xavfsizligini ta’minlashga qaratilgan. Avtomobil haydovchining holatini kuzatib borib, hushidan ketish yoki o‘zini yomon his qilish belgilari sezilganida, maxsus avariya rejimini ishga tushiradi. Avvaliga tizim haydovchini keskin […]
Volkswagen yangi xavfsizlik funksiyasi – sun’iy intellektga asoslangan “SOS rejimi”ni taqdim etdi. Tizim haydovchining holatini kuzatib, hushdan ketish yoki sog’lig’ida yomonlashuv belgilarini aniqlaganda, darhol chora ko‘radi.
Yangi funksiya haydovchi xavfsizligini ta’minlashga qaratilgan. Avtomobil haydovchining holatini kuzatib borib, hushidan ketish yoki o‘zini yomon his qilish belgilari sezilganida, maxsus avariya rejimini ishga tushiradi. Avvaliga tizim haydovchini keskin tormozlash orqali hushiga keltirishga urinadi, ammo bu yordam bermasa, avtomobil avtomatik ravishda yo‘l chetiga o’tib, to‘xtaydi.
Qo‘shimcha xavfsizlik chorasi sifatida, avtomobil atrofdagilarning e’tiborini jalb qilish uchun avariya signalini yoqadi va SOS chaqirig‘ini faollashtiradi. Ushbu tizim haydovchilarning sog‘lig‘i bilan bog‘liq to‘satdan yuzaga keladigan holatlarda baxtsiz hodisalarning oldini olishga qaratilgan.
Eslatib o‘tamiz, avvalroq Volkswagen CES 2024 ko‘rgazmasida sun’iy intellektga asoslangan ChatGPT chat-botini IDA ovozli yordamchisiga birlashtirilgan holda taqdim etgan edi. Bu funksiyadan foydalangan holda haydovchilar ovozli yordam orqali qo‘shimcha ma’lumot olish, navigatsiya va avtomobil boshqaruvi funksiyalaridan foydalanish imkoniga ega bo‘ladilar.
