Prezident matbuot kotibi Sherzod Asadovning ma’lum qilishicha, Shavkat Mirziyoyev bank sektori vakillari ishtirokida mahallalarda kambag‘allikni qisqartirish mavzusida yig‘ilish o‘tkazmoqda. Yig‘ilishda mahallalarda kambag‘allikni qisqartirish va biznesni rivojlantirish bo‘yicha qator yangi chora-tadbirlar muhokama qilindi. Xususan Prezidentimiz Sirdaryo viloyatining Sayxunobod, Uychi, Zarbdor va G‘ijduvon tumanlarida bank xizmatlaridan foydalanish imkoniyatini kengaytirish borasidagi muvaffaqiyatli tajribaga alohida to‘xtalib o‘tdi.

Masalan, Sayxunobod tumanida 12 ming aholi o‘z tomorqalaridan foydalanib daromadlarini oshirdi. Uychi tumanida banklarning faol mijozlar bilan ishlashi natijasida 9 ming ish o‘rni yaratildi, 6 ming kishi kambag‘allikdan chiqarildi. G‘ijduvon shahrida 28 mingta, Zarbdor shahrida 13,5 mingta ish o‘rni yaratildi.

Bundan tashqari, 2024-yil boshidan bu boradagi yondashuvlar 3,3 million aholining doimiy daromad olishini ta’minlab, o‘rtacha daromad 40 foizga oshib, 10,5 million so‘mga yetgan. Har to‘rtinchi tumanda ishsizlik 5 foizga kamaygan.

Prezidentimiz yangi dasturlarga yondashuvni o‘zgartirish zarurligini ta’kidlab, 297 nafar mas’uliyatsiz rahbarni lavozimidan ozod qildi. 2025-yil uchun5 million aholini doimiy daromad bilan ta’minlash, 1,5 million aholini kambag‘allikdan chiqarish vazifasi qo‘yildi.

Bundan tashqari, so‘nggi 6 yilda Oilaviy tadbirkorlik dasturi orqali 750 ming fuqaro kredit olib, 58 mingta yangi korxona tashkil etgan. Bank bunday tadbirkorlarga biznesni kengaytirish uchun 300 million so‘m kredit ajratadi. Xalq banki tashabbusi bilan OTBning moliyaviy ochiqlik dasturi doirasida 150 million dollar kredit ajratiladi. Boshqa davlat banklari xorijiy tashkilotlardan 1 milliard dollar jalb qilib, 250 ming aholini daromad manbai bilan ta’minlashga harakat qiladi.