Ўзбекистонда товар-хом ашё биржалари ва унинг профессионал иштирокчиларининг фаолиятини давлат томонидан тартибга солишни такомиллаштириш реэалаштирилмоқда. Бу ҳақда Ўзбекистоннинг 2022–2026 йилларга мўлжалланган тараққиёт стратегияси лойиҳасида сўз боради.

Қайд этилишича, ваколатли орган томонидан деривативлар, шу жумладан фьючерс савдолари билан шуғулланадиган брокерлик идораларини аккредитациялаш тизимини жорий этиш ҳамда брокерларга малакавий талабларни белгилаш назарда тутилмоқда.

Биржа савдоларида нархлар манипуляцияси, ички (инсайдерлик) маълумотлардан фойдаланиш ва асоссиз даромад олишнинг бошқа рақобатга зид усулларидан фойдаланишнинг олдини олиш бўйича қоидаларни тасдиқлаш режалаштирилган.

Электрон биржа савдо тизими бўйича аниқ мезонларни белгиланади (дастурий таъминот шаффофлиги, ахборот хавфсизлигини таъминлаш, маълумотларни қайта ишлаш бўйича замонавий марказнинг мавжудлиги ва ҳоказо);

Шунингдек, товар-хом ашё биржаларига нисбатан лицензия талабларини қайта кўриб чиқиш ва улар томонидан лицензияловчи органга биржа савдолари жараёнларини онлайн назорат қилиш имкони яратилади.