Давлат статистика қўмитаси Ўзбекистонда энг кўп қайси ҳудудда хорижий капитал иштирокидаги корхоналар фаолият олиб бораётгани ҳақида маълумот берди.
Қайд этилишича, мамлакатда 2022 йилнинг 1 февраль ҳолатига кўра, хорижий капитал иштирокида фаолият кўрсатаётган корхоналарнинг сони 13 393 тани ташкил этиб, уларнинг сони ўтган йилнинг шу даврига нисбатан 1 474 тага кўпайган.
Ҳудудлар кесимида хорижий капитал иштирокида фаолият кўрсатаётган корхоналар сони:
- Тошкент шаҳри – 7 945 та
- Тошкент вилояти – 1 437 та
- Самарқанд вилояти – 656 та
- Сурхондарё вилояти – 573 та
- Фарғона вилояти – 544 та
- Андижон вилояти – 377 та
- Бухоро вилояти – 352 та
- Наманган вилояти – 287 та
- Навоий вилояти – 238 та
- Қашқадарё вилояти – 232 та
- Жиззах вилояти – 216 та
- Сирдарё вилояти – 185 та
- Хоразм вилояти – 177 та
- Қорақалпоғистон Республикаси – 174 та.
Аввалроқ Ўзбекистонда қайси соҳаларда хорижий капитал иштирокидаги корхоналар мавжудлиги ҳақида ахборот берилганди.
