Шахсий ва корпоратив молияни бошқариш оддий ҳаёт ва бизнес юритиш учун зарурдир. Афсуски, молиявий саводхонлик ҳар қандай замонавий инсон учун ажралмас маҳорат бўлишига қарамай, мактабда бунга ўргатилмайди.

Ушбу тўпламда пулни тўғри бошқариш, бу ҳақда тушунчага эга бўлиш ва уни ривожлантиришга ёрдам берадиган ўнта китоб билан танишиш мумкин.

«Бой ота, камбағал ота» Роберт Кийосаки

Муаллиф ўзининг афсонавий бестселлерининг янги нашрида ўқувчиларга молиявий саводхонлик муаммосига янгича қарашни таклиф қилади ва болаларга молиявий қийинчиликларга дуч келмасдан олдин пул билан қандай муомала қилишни ўргатади.

«Пул оқими квадранти», Роберт Кийосаки

Китоб саноат давридан ахборот асрига қадам қўйиш учун ҳаётида чуқур профессионал ва молиявий ўзгаришлар қилишга тайёр одамлар учун ёзилган. Нашр кенг ўқувчилар оммасига мўлжалланган. 

«Молиявий эркинликка йўл», Бодо Шефер

Шахсий бойликни яратиш, сақлаш ва кўпайтириш сирларини очиб берилган бестселлерининг янги нашрида муаллиф оддий, аммо жуда самарали усуллар ёрдамида қандай қилиб молиявий мустақилликка эришиш мумкинлиги ҳақида ҳикоя қилади.

«Money, ёхуд пул алифбоси», Бодо Шефер

Муаллиф кенг китобхонлар доирасига (болалар ҳақида бўлгани каби) пул билан ишлаш жараёнларини: уларни қандай тежаш, қандай қилиб фойдали сарфлаш, қарзларни қандай тўлаш — қисқаси, биринчи миллионни қандай топишни батафсил тушунтириб беради.

«Молиявий бўлмаганлар учун молия», Людмила Ярухина

Китоб ҳамма нарсани икир-чикиригача тушунтиради ва соҳа мутахассислари билан «молия тилда» гаплашишга ёрдам беради. Китобда кичик ва ўрта бизнеснинг молиясини муваффақиятли бошқаришга ёрдам берадиган назарий минимал ва амалий кейслар мавжуд. Нашр бошланғич тадбиркорлар ва тажрибали бизнес эгалари, инвесторлар, бўлим бошлиқлари, савдо ва харид менежерлари учун мўлжалланган.

«Бобилдаги энг бой одам», Сэмюэль Клейсон

Муаллиф китобда келтирилган шахсий молияни бошқариш тамойилларидан фойдаланган ҳолда пул масалаларида қандай қилиб муваффақиятга эришиш ҳақида гапиради. Китоб кенг китобхонлар оммасига мўлжалланган.

«Ўзим учун молиячиман. Қандай қилиб оқилона сарфлаш ва тўғри тежаш керак», Анастасия Тараскова

Китобнинг мақсади — ҳар қандай даромад даражасидаги инсон оддий қоидаларга риоя қилиш орқали ўз фаровонлигини ошириши мумкинлигини исботлаш. Муаллиф аниқ ҳаётий мисоллардан фойдаланган ҳолда, қандай қилиб харажатлар ва даромадларни ҳисобга олиш, актив ва мажбуриятларни қандай оптималлаштириш, пенсия ва болалар келажаги учун қандай ва қаерда инвестиция қилиш ҳамда жамғариш ҳақида гапириб беради.

«Пул илми», Браян Трейси

Китобнинг мақсади ўқувчиларни пулнинг пул оламида қандай ҳаракат қилишни, чалкашликни тугатиш ва пул ҳақидаги асосий ҳақиқатларни тизимлаштиришни ўргатишдан иборат. Ажойиб молиявий муваффақиятга эришиш учун ушбу фанни жиддий қабул қилиш ва уни ҳаёт ҳамда бизнесда қўллаш кифоя.

«8 та молиявий янглиш. Пулни бошқариш», Роберт Кийосаки

Муаллиф ўз китобида ёмон маслаҳатчиларни фош қилиш ва молиявий келажак учун масъулиятни ўз зиммасига олиш мақсадида пул ҳақидаги анъанавий тушунчалардан қандай воз кечиш ҳамда иқтисодий қарашларни замонавийроғига ўзгартириш кераклигини айтади.

«Ўйлаб кўр ва бойиб кет», Наполеон Хилл

Матн муаллифнинг ёрқин ва самарали ғояларини ўрганиш ҳамда молиявий саводхонликка оид кундалик фаолиятда қўллаш мумкин бўлган тўлиқ қўлланма билан тўлдирилган.

Аввалроқ тадбиркорликни бошлашда қўл келадиган китоблар ҳақида хабар берилганди.