Ўзбекистон 2022 йилнинг январь-февраль ойларида 7 та давлатдан картошка импорт қилди. Бу ҳақда Давлат статистика қўмитаси матбуот хизмати хабар берди.

Маълумотларга кўра, 2022 йилнинг январь-февраль ойларида Ўзбекистон 7 та давлатдан қиймати 21 миллион долларига тенг бўлган 122,4 минг тонна картошка импорт қилган. 

Картошка импорти 2021 йилнинг мос даври билан солиштирилганда қарийб 42 минг тоннага ошган.

2022 йилнинг дастлабки 2 ойида Ўзбекистон картошка импорт қилган давлатлар:

1. Покистон — 91,3 минг тонна;
2. Қозоғистон — 12,6 минг тонна;
3. Эрон — 5,2 минг тонна;
4. Россия —4,4 минг тонна;
5. Қирғизистон — 4,3 минг тонна;
6. Афғонистон — 4 минг тонна;
7. Беларусь — 631,6 тонна.

Аввалроқ Ўзбекистон 2021 йил энг кўп картошка импорт қилган 5 та давлат рейтинги маълум қилинганди.