Илон Маск Twitter’ни сотиб олиш учун 15 млрд долларгача сармоя киритмоқчи
Маск 10 кундан кейин Twitter учун тендер таклифини эълон қилади.
Дунёнинг энг бой бизнесмени Илон Маск Twitter’ни сотиб олиш учун ўз маблағидан 10–15 миллиард доллар сармоя қилишга тайёр, деб ёзади New York Post (NYP) икки манбага таяниб.
Унинг компаниядаги 9 фоиздан ортиқ улуши қиймати тахминан 3,4 миллиард долларга тенг.
«Маск Twitterni сотиб олиш учун 43 миллиард долларлик таклифи учун маблағ топишда қийналаётганга ўхшайди», деб ёзади нашр.
Айрим сармоядорлар бизнесменнинг ҳар бир акцияга 54,2 доллардан нарз белгилаши Twitter учун адолатли эканига шубҳа қилса, бошқалари Маскнинг олдиндан айтиб бўлмайдиган хатти-ҳаракати ва тортишувларга мойиллиги билан довдираб қолган.
Нашрнинг қўшимча қилишича, миллиардер, агар керак бўлса, Twitter’даги ҳозирги улуши эвазига кредит олиши мумкин, бу эса бир неча миллиард доллар йиғиши мумкин.
Манбаларга кўра, пулнинг асосий қисми, тахминан 20 миллиард доллар, Twitter акциядорларига таклифни молиялаштирадиган коинвесторлардан келади.
«Биргаликда инвесторлар Маскга қараганда кўпроқ капиталга эга бўлади, лекин у энг катта эгаси бўлади», деди NYP суҳбатдошларидан бири.
Нашр манбаларига кўра, Маск 10 кундан кейин Twitter учун тендер таклифини эълон қилади.
Twitter ва Маск
Америкалик миллиардер Илон Маск март ойи охирида Twitter’нинг 9,2 фоиз улушини сотиб олди. Tesla ва SpaceX асосчиси Илон Маск Twitter’нинг 9,2 фоиз улушини сотиб олди. Ушбу янгилик фонида Twitter акциялари премаркет давомида 26 фоизга ошди.
Шундан сўнг Twitter Илон Маскни компания директорлар кенгашига киритгани ҳақида хабар берилди. Лекин кейинчалик миллиардер кенгашига киришдан бош тортди. Ижтимоий тармоқ бош директори Параг Агравалнинг маълум қилишича, Маск Twitter’нинг энг йирик акциядори бўлиб қолади ва компания ҳали ҳам унинг таклифларига очиқ.
Маск ўзининг Twitter’ида иккита янги сўровнома жойлаштирди. Биринчисида у компаниянинг Сан-Францискоdaги бош қароргоҳини уйсизлар бошпанасига айлантириш керакми, деб сўради, чунки барибир офисга «ҳеч ким бормайди». Иккинчисида у Twitter’ни Titter қилиш учун компания номидан W ҳарфини олиб ташлашни таклиф қилди.
Amazon асосчиси Жефф Безос Илон Маскнинг Twitter штаб-квартирасида уйсизлар учун бошпана яратиш ғоясини қўллаб-қувватлади. Бошпана сифатида бутун штаб-квартирани эмас, балки унинг бир қисмини ажратиш мумкин, деб ёзди Безос ижтимоий тармоқда.
Кейинчалик Twitter акциядори Марк Бейн Расселл Илон Маск устидан судга мурожаат қилди. Унинг сўзларига кўра, тадбиркорга тегишли акцияни Twitter’да ошкор этишнинг кечикиши (5 фоиздан ортиқ) акциялар нархини сунъий равишда пастроқ даражада ушлаб турган.
Даъво Манхэттен Федерал судига қимматли қоғозлар бўйича фирибгарлик моддаси бўйича топширилмоқда. Ҳужжатга кўра, Маск 24 март куни SEC’га ўз улушини ошкор қилиши керак бўлган ва буни 1 апрелда бажарган.
Маскнинг кечикиши унга кўпроқ акцияларни арзонроқ нархда сотиб олиш ва шу тариқа акция сотувчиларни алдаш, уларни қўшимча имтиёзлардан маҳрум қилиш имконини берган. Маск изоҳ сўровига жавоб бермаган. Twitter ҳам даъвога изоҳ беришдан бош тортган.
Маск 14 апрел куни Twitter акцияларини ҳар бирини 54,2 доллардан сотиб олиш истагини билдирди (бу 13 апрель кунги савдолар якунидаги акция нархидан 18,2 фоизга юқори). Тадбиркор ижтимоий тармоқни 43 миллиард долларга сотиб олмоқчи. Маскнинг фикрича, бу унинг «энг яхши ва якуний» таклифи.
Twitter раҳбарияти мавжуд акциядорларга қўшимча акцияларни сотиб олишни ва Илон Маск учун «заҳарли дори» ҳолатини яратишни таклиф қилиши мумкинлиги ҳақида хабарлар тарқалди. Акциядорлар қўшимча акцияларни катта чегирма билан сотиб олишлари мумкин бўлади. Шунда Маск сотиб олмоқчи бўлган улуш «камроқ жозибадор» бўлади.