Amazon асосчиси Жефф Безос Илон Маскнинг Twitter штаб-квартирасида уйсизлар учун бошпана яратиш ғоясини қўллаб-қувватлади. Бошпана сифатида бутун штаб-квартирани эмас, балки унинг бир қисмини ажратиш мумкин, деб ёзди Безос ижтимоий тармоқда.

«Бу жуда яхши иш беради ва кўнгилли бўлишни хоҳлайдиган ходимлар учун ишларни осонлаштиради», — деб ёзди Безос.

Миллиардер ўз постига 2020 йилда Сиетлдаги Amazon кампусида уйсизлар учун бошпана очилиши ҳақидаги GeekWire нашрига ҳаволани илова қилган. «Ажойиб фикр», деб жавоб берди Маск.

Маск ўзининг Twitter’ида иккита янги сўровнома жойлаштирганди.

Биринчисида у компаниянинг Сан-Францискоdaги бош қароргоҳини уйсизлар бошпанасига айлантириш керакми, деб сўради, чунки барибир офисга «ҳеч ким бормайди».

Иккинчисида у Twitter’ни Titter қилиш учун компания номидан W ҳарфини олиб ташлашни таклиф қилди.