Ўзбекистонда тунги вақтда ишловчиларга иш берувчининг ихтисослиги ва талабларига қараб иш ҳақи минимал 1,3 миллион сўмдан максимал 8,3 миллион сўмгачани ташкил қиляпти. Бу бўйича HeadHunter Kommers.uz’га таҳлилни тақдим этди.

Маълум бўлишича, соат 22:00 дан 6:00 гача тунги вақтда ишлашни назарда тутувчи бўш иш ўринлари сони 2022 йилнинг биринчи ярмида 2021 йилнинг шу даврига нисбатан 22 фоизга ошган.

Қайд этилишича, кўпинча тунги иш учун мутахассислар чакана савдо, меҳмонхоналар ва ресторанлар, транспорт ва логистика, ишчи кадрлар, озиқ-овқат, тиббиёт ва фармацевтика соҳаларидаги компанияларни қидирмоқда.

Иш берувчилар эса савдо бўйича ёрдамчилар, қўнғироқлар маркази ходимлари, ҳайдовчилар, ресторан ва меҳмонхона ходимлари, фармацевтлар, қўриқчилар, электрчилар ва қадоқловчиларни қидираётгани айтилган.

Шунингдек, ўртача тунги иш ҳақи 2021 йилга нисбатан 7 фоизга ошган ва 3,9 миллион сўмни ташкил қилган. Бундан ташқари, барча фуқароларга тунги вақтда ишлашга рухсат берилмаслиги эслатилган. Буларга вояга этмаганлар, ҳомиладор аёллар ва 14 ёшгача бўлган боласи бор аёллар киради.

Қолаверса, қонунлар ва бошқа норматив-ҳуқуқий ҳужжатларга мувофиқ бошқа тоифадаги ходимлар ҳам шу рўйхатга киритилади.