«Электродвигателга эга бўлган транспорт воситалари аккумулятор батареияларини утилизация қилиш инфратузилмасини ташкил этиш ишларини молиялаштириш бўйича қўшимча чора-тадбирлар тўғриси»даги ҳукумат қарори қабул қилинди.

Ҳужжат билан 2025 йил 1 майдан Ўзбекистонда электромобиллар учун (ТИФ ТН коди 8703 80) утилизация йиғимлари жорий этилади:

• ишлаб чиқарилган муддатидан бошлаб 3 йилдан ортиқ бўлмаган электромобиллар учун БҲМнинг 120 баравари (45 миллион сўм);
• ишлаб чиқарилган муддатидан бошлаб 3 йилдан ортиқ бўлган электромобиллар учун БҲМнинг 210 баравари (78,75 миллион сўм).

*Аввал бу турдаги электромобилларга белгиланган утилизация йиғимлари мос равишда БҲМнинг 30 ва 90 бараварини ташкил этган.

Иқтисодиёт ва молия вазирлиги Инвестициялар, саноат ва савдо вазирлиги билан биргаликда икки ой муддатда ушбу қарорда белгиланган утилизация йиғимларини йиғиш ҳамда улардан самарали фойдаланиш тартибини ишлаб чиқади.