Ўзбекистоннинг асосий савдо-ҳамкор давлатларида инфляция августда қай даражада бўлди?
Марказий банк Ўзбекистоннинг асосий савдо-ҳамкор давлатларида инфляция август ойида қай даражада бўлганини тахлил қилди. Қозоғистон ва Туркияда ойлик инфляция кўрсаткичи деярли бир хил. Россияда ойлик нархлар пасайиши давом этиши прогноз қилинмоқда.
Ўзбекистоннинг асосий савдо-ҳамкор давлатларида инфляция август ойида қай даражада бўлгани таҳлил қилинди. Бу ҳақда Марказий банкнинг Реал самарали алмашув курси шарҳида сўз боради.
Россия
Россияда ойлик нархлар пасайиши давом этиб, -0,5 фоизни (йиллик инфляция 14,3 фоизни) ташкил этиши прогноз қилинмоқда.
Нархларнинг ойлик динамикаси пасайиши истеъмол товарларига бўлган талабнинг сустлиги билан изоҳлаш мумкин.
Қозоғистон
Қозоғистонда ойлик инфляция 1,4 фоизни ташкил этиб, йиллик ҳисобда 16,1 фоизгача тезлашди.
Август ойида инфляциянинг ошишига озиқ-овқат маҳсулотлари йиллик 20,8 фоизга (июлда 19,7 фоиз), ноозиқ-овқат маҳсулотлари йиллик 15,5 фоизга (июлда 14,2 фоиз) ҳамда хизматлар 10,1 фоизга (июлда 9,2 фоиз) ҳисса қўшди.
Туркия
Туркияда ойлик инфляция 1,46 фоизни ташкил этди, йиллик ҳисобда 80,2 фоизгача ўсди. Нархлар ўсишига асосан, энергия маҳсулотлари ҳамда импорт товарларининг қимматлашиши билан изоҳланади.
Шунингдек, мамлакатда ишлаб чиқарувчилар нархлари индекси ойлик ҳисобда 2,4 фоизга ўсиб, йиллик 143,8 фоизга етди. Бу келгуси ойларда ҳам инфляция даражаси юқори бўлишини англатади.
Мавзуга доир:
