Георгий Паресишвили Тошкент фонд биржаси бошқарув раиси этиб тасдиқланди. Мазкур қарор 2023 йил 31 январда Биржа акциядорлар умумий йиғилишида бир овоздан қабул қилинди.

Георгий Паресишвили 2022 йилнинг сентябрь ойидан Тошкент РФБ раҳбари вазифасини бажарувчи сифатида фаолият юритиб келаётганди.

Эслатиб ўтамиз, унинг бошқарув раиси сифатидаги асосий вазифалари, маҳаллий фонд бозорини капитал бозорининг халқаро инфратузилмасига интеграциялашуви, шунингдек, маҳаллий компанияларнинг IPO ва SPO’ларини ўтказишга кўмаклашиш ҳамда Clearstream, Euroclear ва бошқа халқаро кастодианларни, хорижий инвесторларни Ўзбекистонга кириб келишини енгиллаштириш каби масалаларни ўз ичига олади.

Маълумот учун, Георгий Паресишвили 1995 йилда Тбилиси давлат университетининг иқтисод факулътетини тамомлаган. Меҳнат фаолиятини Тбилисидаги Absolyut Bank’да бошлаган. 2000–2002 йилларда Мичиган университети Стивен М. Росс бизнес мактабида таҳсил олган ва Бизнес бошқаруви магистри (МБА) даражасини олган.

2000 йилдан 2005 йилгача Лондон ва Нью-Йоркда Швейцариянинг энг йирик молиявий конгломерати Credit Suisse инвестисия банкининг бўлими бўлган Credit Suisse First Boston’да ишлаган. 2005 йилдан бери Георгий Паресишвили Грузиянинг Terabank, Liberty Bank, Bank of Georgia ва бошқа етакчи банкларида бошқарув лавозимларда ишлаган.