Ўзбекистоннинг олтин-валюта захиралари қарийб 36 млрд долларга етди
1 февраль ҳолатига кўра, Ўзбекистоннинг олтин-валюта захиралари бир ой давомида 174 миллион долларга ошиб, 35,9 миллиард долларни ташкил қилган
Ўзбекистоннинг олтин-валюта захиралари қарийб 36 миллиард долларни ташкил этди. Бу ҳақда Марказий банк матбуот хизмати хабар берди.
Маълум қилинишича, 1 февраль ҳолатига кўра, Ўзбекистоннинг олтин-валюта захиралари бир ой давомида 174 миллион долларга ошиб, 35,9 миллиард долларни ташкил қилган.
Шунингдек, олтин захиралари 2,1 фоизга ошиб, 23,5 миллиард доларга етган.
Маълумот учун, Ўзбекистон ялпи халқаро захиралари 2023 йил бошидан 0,2 миллиард долларга ёки 0,5 фоизга ошди. Бунда олтин нархининг йил бошидаги 1812,35 доллардан 1905,20 долларгача кўтарилишининг таъсири 1,15 миллиард долларни ташкил қилди.
Аввалроқ Ўзбекистон Марказий банки 2022 йилда олтин захираларини 34 тоннага оширгани ҳақида хабар берилганди. Қайд этилишича, регулятор 2022 йилни олтин сотувчиси сифатида бошлаган ва уни харидор сифатида якунлаган.
