Алишер Усмонов ва Европа Иттифоқи ўртасидаги суд: ҳозиргача нималар маълум?
Усмонов унга нисбатан қўлланган санкциялар аллақачон бир нечта битимларнинг барбод бўлишига олиб келганини айтди.
Миллиардер Алишер Усмонов ҳам санкциялар рўйхатидан олиб ташланишига интилмоқда. Бу ҳақда тадбиркорнинг даъвоси билан танишган The Wall Street Journal нашри ёзмоқда.
Алишер Усмонов
Даъво аризасида Алишер Усмонов ва унинг синглиси Гулбаҳор Исмоилова Европа Иттифоқи расмийларининг Россия босқинини қўллаб-қувватлагани ва суд харажатларини қоплаш учун 20 минг доллар атрофида пул тўлашни талаб қилаётгани ҳақидаги даъволарига эътироз билдирган.
Усмонов, шунингдек, унга нисбатан қўлланилган санкциялар аллақачон бир нечта битимларнинг барбод бўлишига олиб келгани, ходимлари ва уларнинг оилалари фаровонлигига таъсир қилиши мумкинлиги ҳамда унинг уч компанияси банкрот бўлиши хавфи борлигини айтиб, суд жараёнини тезлаштиришни сўраган.
Июнь ойида суд аризани рад этиш ҳақида қарор чиқарди. Усмоновнинг адвокати изоҳ беришдан бош тортди.
Абрамович
Миллиардер Роман Абрамовичнинг сўзларига кўра, Португалия фуқаролигига эга Абрамович санкциялар унинг Португалия аъзоси бўлган ЕИ томонидан ҳимояланган асосий ҳуқуқларини бузаётганини таъкидламоқда.
Зарар сифатида миллиардер Европа кенгашидан «Челси» сотилганидан кейин ўзи яратган хайрия жамғармасига 1 миллион доллардан ортиқ маблағ ўтказишни талаб қилмоқда.
Абрамович деярли 20 йил давомида футбол клубига эгалик қилган, аммо май ойида уни америкалик миллиардер Тодд Боэли бошчилигидаги бир гуруҳ инвесторларга сотиб юборди.
Харидорлар клубдаги улушлар учун 2,5 миллиард фунт стерлинг (3,1 миллиард доллар) тўлашга, яна 1,75 миллиард фунт стерлинг (2,17 миллиард доллар) эса унинг ривожланишига сармоя киритишга рози бўлди.
Тадбиркор келишувдан тушган барча соф тушумни Россия ҳарбийларининг Украинага бочқини қурбонлари манфаатларини кўзлаб яратилган хайрия жамғармасига ўтказишга ваъда берди. Абрамовичнинг адвокатлари сўровга жавоб бермади.
Усмоновнинг йўлидаги санкциялар
Маълумот учун, Усмонов 28 февраль куни — миллиардерлар Алексей Мордашов, Геннадий Тимченко, Михаил Фридман, Петр Авен ва Александр Пономаренко билан бир вақтда Европа Иттифоқи санкцияларига учраган.
ЕИ санкцияларни Россиянинг Украинага ҳужуми бошланганидан тўрт кун ўтиб жорий қилди. Ҳозирда Европа Иттифоқи олтинчи чекловлар пакетини тайёрламоқда.
«Европа Иттифоқи ўз доирасида «Сбербанк» ва яна иккита Россия банкини SWIFT молиявий маълумотлар алмашинуви тизимидан ажратишни, шунингдек, Россия нефтининг импортига босқичма-босқич эмбаргога ўтишни таклиф қилади», — деди Еврокомиссия раҳбари Урсула фон дер Ляйен.
Россиялик миллиардерлар, давлат ва хусусий компаниялар раҳбарлари, депутатлар, сенаторлар, ҳарбийлар ва давлат оммавий ахборот воситалари ходимлари Европа Иттифоқи, Буюк Британия, АҚШ ва бир қатор бошқа мамлакатларнинг санкциялари остида қолди. Санкциялар Украинадаги ҳарбий амалиётга жавобан жорий қилинган.
Хусусан, Канада ҳам Россиянинг Украинага ҳужуми туфайли миллиардер Алишер Усмонов Алишер Усмоновга қарши санкциялар киритган.
Шунингдек, Япония Ташқи ишлар вазирлиги Россия ва Беларуснинг санкциялар қўлланилаётган юридик ва жисмоний шахслари рўйхати кенгайтирилганини маълум қилди. Улар орасида Алишер Усмонов ҳам бор.
Қолаверса, Германия ҳукумати Гамбургдаги кемасозлик заводида Алишер Усмоновнинг 600 миллион долларлик «Дилбар» мега яхтасини тўсиб қўйди.
Англиянинг «Эвертон» футбол клуби Россиянинг Алишер Усмоновга алоқадор USM, «МегаФон» ва Yota компаниялари билан ҳомийлик шартномаларини тўхтатди.
Кейинчалик миллиардер ўзига нисбатан қўлланилган Европа Иттифоқи санкцияларини олиб ташлаш учун судга мурожаат қилди.
Германияда эса Усмоновнинг активларини музлатиш ёки мусодара қилишга чақириқлар янграмоқда.