Алишер Усмонов Европа Иттифоқи санкцияларига суд орқали эътироз билдиради
Санкциялар Украинадаги ҳарбий амалиётга жавобан жорий қилинган.
Миллиардер Алишер Усмонов ўзига нисбатан қўлланилган Европа Иттифоқи санкцияларини олиб ташлаш учун судга мурожаат қилди. Ушбу маълумот Европа Иттифоқи суд ҳужжатлари базасидаги картадан келиб чиқади.
Унда айтилишича, Усмонов Европа Иттифоқи Кенгаши устидан 29 апрель куни умумий юрисдикция бўйича Европа судига даъво аризаси берган.
«Усмонов суддан судья қарори чиқмагунча санкцияларни тўхтатиб туришни сўради, деб ёзди Bloomberg.
Миллиардернинг вакили агентликка изоҳ беришдан бош тортди. Усмоновнинг даъвоси санкцияларни бекор қилиш бўйича судга қўйилган биринчи ариза эмас.
Март ойи охирида суд раиси RT давлат телеканалининг ЕИда телеканални кўрсатувини тақиқлашни суд қароригача тўхтатиб туриш ҳақидаги илтимосини рад этди. Унинг таъкидлашича, Европа судида санкциялар бўйича баҳс бир неча йил давом этиши ва муваффақият билан якунланмаслиги мумкин.
Усмоновнинг йўлидаги санкциялар
Маълумот учун, Усмонов 28 февраль куни — миллиардерлар Алексей Мордашов, Геннадий Тимченко, Михаил Фридман, Петр Авен ва Александр Пономаренко билан бир вақтда Европа Иттифоқи санкцияларига учраган.
ЕИ санкцияларни Россиянинг Украинага ҳужуми бошланганидан тўрт кун ўтиб жорий қилди. Ҳозирда Европа Иттифоқи олтинчи чекловлар пакетини тайёрламоқда.
«Европа Иттифоқи ўз доирасида «Сбербанк» ва яна иккита Россия банкини SWIFT молиявий маълумотлар алмашинуви тизимидан ажратишни, шунингдек, Россия нефтининг импортига босқичма-босқич эмбаргога ўтишни таклиф қилади», — деди Еврокомиссия раҳбари Урсула фон дер Ляйен.
Россиялик миллиардерлар, давлат ва хусусий компаниялар раҳбарлари, депутатлар, сенаторлар, ҳарбийлар ва давлат оммавий ахборот воситалари ходимлари Европа Иттифоқи, Буюк Британия, АҚШ ва бир қатор бошқа мамлакатларнинг санкциялари остида қолди. Санкциялар Украинадаги ҳарбий амалиётга жавобан жорий қилинган.
Хусусан, Канада ҳам Россиянинг Украинага ҳужуми туфайли миллиардер Алишер Усмонов Алишер Усмоновга қарши санкциялар киритган.
Шунингдек, Япония Ташқи ишлар вазирлиги Россия ва Беларуснинг санкциялар қўлланилаётган юридик ва жисмоний шахслари рўйхати кенгайтирилганини маълум қилди. Улар орасида Алишер Усмонов ҳам бор.
Қолаверса, Германия ҳукумати Гамбургдаги кемасозлик заводида Алишер Усмоновнинг 600 миллион долларлик «Дилбар» мега яхтасини тўсиб қўйди.
Англиянинг «Эвертон» футбол клуби Россиянинг Алишер Усмоновга алоқадор USM, «МегаФон» ва Yota компаниялари билан ҳомийлик шартномаларини тўхтатди.