Рейтинг. Ўзбекистон энг кўп енгил автомобиль импорт қилаётган 8 та давлат
Давлат статистика қўмитаси маълумотларига кўра, 2022 йилнинг январь-июль ойларида Ўзбекистон 25 та хорижий давлатдан енгил автомобиллар импорт қилди.
Давлат статистика қўмитаси Ўзбекистон 2022 йилнинг дастлабки 7 ойида асосан қайси давлатлардан енгил автомобиль импорт қилгани бўйича маълумот берди.
Қайд этилишича, 2022 йилнинг январь-июль ойларида Ўзбекистон 25 та хорижий давлатлардан енгил автомобиллар импорт қилган. 7 ойда Ўзбекистон енгил автомобилларни энг кўп импорт қилган давлатлар рўйхати қуйидагича:
- Хитой — 7 минг 950 та;
- Корея — 5 минг 658 та;
- Қозоғистон — 3 минг 422 та;
- Россия — 1 минг 283 та;
- АҚШ — 204 та;
- БАА — 95 та;
- Япония — 78 та;
- Германия — 53 та.
Аввалроқ Ўзбекистонда 7 ойда енгил автомобиллар импорти қарийб 7 мингтага ошгани хабар қилинганди.
Маълумотларга кўра, 2022 йилнинг январь-июль ойларида Ўзбекистон хорижий давлатлардан қиймати 460,9 миллион АҚШ долларига тенг бўлган 18 минг 821 та енгил автомобиль импорт қилган. Енгил автомобиллар импорти 2021 йилнинг мос даври билан солиштирилганда 6 минг 750 тага ошган.