Парвиз Яхьяев Шахриёрнинг «Узбек колорит» қўшиғига клип суратга олмоқда
Продюсер Парвиз Яхьяев бошчилигидаги жамоа Шахриёрнинг «Узбек колорит» деб номланган қўшиғига клип суратга олмоқда.
Қўшиқ Далер Аметист ва Sammy билан биргаликда куйланган. Клип режиссёр ва оператор Давид Аҳмедов томонидан тасвирга олинган.
Парвиз Яхьяевнинг аниқлик киритишича, клипни суратга олишга «Chayhana Pub» ресторани яқиндан ёрдам берган. Клип иштирокчиларини ўзбекча шиорлар ёзилган футболкаларда кўриш мумкин.
Қўшиқ матнига эътибор берсак, айнан «ўзбекча колорит» тушунчасига замонавий тарзда ёндашилганини англаймиз. Унда «Предпочитаем плов, жареному стейку» ва «Доппи мой главный козырь» каби ибораларини эшитамиз.
«Шахриёр ва Далер билан шу пайтгача жуда кўплаб клипларни суратга олганмиз. Бу йигитлар билан ишлаш жуда осон. Улар нима хоҳлашини аниқ билади, уларнинг ҳар бир қўшиғи, албатта, ҳит даражасига эришади. Бу клип ҳам аввалгиларидан қолишмайди», — деб таъкидлайди Яхьяев.
Маълум қилинишича, клип 2023 йилнинг охирида тақдим этилиши кутилмоқда. Хонандалар бу қўшиқ мухлислари учун ҳақиқий Янги йл совғаси бўлишига ишонтирмоқда. Шунингдек, 2024 йилда ўтказилиши режалаштирилган бир қанча фестивалларда бу қўшиқ треклистдан ўрин олади.
Парвиз Яхьяев продюсерлигида суратга олинган бошқа клиплар ҳақида
Парвиз Яхьяевўзбек эстрадасининг бошқа юлдузлари билан ҳам доимий тарзда ҳамкорлик қилиб келади. Жумладан, ижодкор хонанда СанЖайнинг бир нечта клипларини суратга олган. Яқинда тасвирга олинган «Керак эмасман» клипи мухлислар орасида машҳурликка эришди. Муниса Ризаева ҳам шу қўшиқни СанЖай билан қайта куйлади.
Бундан ташқари, 1 йил аввал СанЖайнинг «Туну кун», «Эй пари», «Назарингга мени ўра» қўшиқларига клип суратга олинган. Парвиз Яхьяев ва СанЖай тандемидаги ишларда табиат, сўфийлик, ҳаёт маъносини англаш каби азалий саволларга юзланилади. Клиплар мухлислар қалбидан жой олиб, узоқ вақт давомида плейлистдан тушмай келади.
Парвиз Яхьяев Далер Аметист билан ҳам узоқ йилдан бери бирга ишлайди. Жумладан, Далер Аметист ва Ал Жамилнинг «Не молчи» қўшиғига олинган клип ўз вақтида кўплаб шов-шувларга сабаб бўлган. Шу билан бирга, «Моя мания» ва «То, что на душе» клиплари ҳам Парвиз Яхьяев томонидан тасвирга олинган.