Ўзбекистонда BYD электромобилларининг нархи пасайди — прайс
Янгиланган нархларга кўра, BYD Seagull’нинг энг арзон варианти (божхона ҳаражатларини қўшиб ҳисоблаганда) $16 400. 510 кмлик Song Plus моделининг нархи (божхона ҳаражатларини қўшиб ҳисоблаганда) $27 900 этиб белгиланган. BYD Han’нинг бошланғич моделининг қиймати $29 800, 610 кмлик BYD Han эса $40 800 тенг. Zeekr 007 моделининг нархи $34 900 дан $47 300 гача.
BYD ўз электрокарларининг нархларини тушуриб, «нарх уриб» ёқилғи двигателлик ҳамда гибрид автомобиллар бозорига таъсир ўтказишни режалаштирмоқда.
Янгиланган нархларга кўра, BYD Seagull’нинг энг арзон варианти (божхона ҳаражатларини қўшиб ҳисоблаганда) $16 400. 510 кмлик Song Plus моделининг нархи (божхона ҳаражатларини қўшиб ҳисоблаганда) $27 900 этиб белгиланган. BYD Han’нинг бошланғич моделининг қиймати $29 800, 610 кмлик BYD Han эса $40 800 тенг. Zeekr 007 моделининг нархи $34 900 дан $47 300 гача.
Маълумот учун, сўнгги уч йилда Ўзбекистон электромобил бозори 10 баробарга ўсиш қайд этган. 2023 йилда импорт қилинган автомобилларнинг 35% электромобиллар ҳиссасига тўғри келган. Умумий импортнинг 79,3 фоизи (58 078 та автомобил) эса Хитой ҳиссасига тўғри келади. Хитойнинг автомобил импортидаги улуши аввалги йилларга нисбатан кескин ошган.
Аввалроқ, Шавкат Мирзиёев Хитойга ташрифи давомида BYD компанияси президенти Ван Чуаньфу билан Жиззах вилоятида йилига 50 минг дона гибрид ва электр автомобилларни йиғиш лойиҳасини ишга туширишга бағишланган маросимда иштирок этгани ҳақида хабар берилганди. Шавкат Мирзиёев маросимда яқин истиқболда бозордаги талабдан келиб чиқиб моделлар қаторини кенгайтириш ва ишлаб чиқариш қувватини йилига 300 минг донагача ошириш кераклиги ҳақида алоҳида тўхталиб ўтган.