Дунёдаги энг нуфузли брендлар номи маълум қилинди
Рейтингда дунёнинг 500 та брендлари санаб ўтилди. Сўнгги бир неча йил давомида молиявий бозорларда сезиларни даражада ўзгаришлар кузатилган бўлса-да, дунё брендлари барқарор ўсиб боришда давом этган
World Brand Lab тадқиқот компанияси дунёнинг нуфузли 500 та компаниялари номини эълон қилди.
Қайд этилишича, 2022 йил брендлар қийматининг энг тез ўсиши кузатилди. Жумладан, Apple’да ўсиш кузатилди ва компания 1-ўринга кўтарилди. Microsoft ҳам бир поғона юқорилаб, 2-ўринга чиқиб олди. Ўтган йилги пешқадам Google’да эса пасайиш кузатилиб, 3-ўриндан жой эгаллади.
Рейтингда жами 33 давлат ўрин олган. АҚШ брендлари етакчилик қилмоқда, катта фарқ билан (500 тадан 198 таси), Франция, Япония, Хитой ва Буюк Британия ҳам кучли бешликка кирди. Рўйхатда Германия, Швейцария ва Италия 10 дан ортиқ брендлар билан ифодаланган.
WBL пресс-релизига кўра, рейтингдаги брендларнинг ўртача ёши 98,2 ёшни ташкил этади. Шу билан бирга, 222 та бренд юз йилдан ортиқ вақтдан бери мавжуд бўлиб, 1665 йилда ташкил этилган Франциянинг қурилиш материаллари ишлаб чиқарувчи Saint-Gobain компанияси рекордчига айланди. Aviva суғурта компанияси ва Moutai алкоголь бренди ҳам ўзларининг 300 йиллигини нишонладилар.
1. Apple
2. Microsoft
3. Google
4. Amazon
5. Walmart
6. Toyota
7. McDonald’s
8. Mercedes-Benz
9. Coca-Cola
10. Tesla