Миллиардер Илон Маскнинг SpaceX компанияси космонавтларнинг биринчи шахсий экипажини Халқаро космик станцияга жўнатди, саёҳат 10 кун давом этади. Бу ҳақда Bloomberg хабар бермоқда.

Парвоз SpaceX билан биргаликда Американинг Axiom Space компанияси томонидан ташкил этилди, у ҳам ХКСда тижорат сегментини яратишни режалаштирмоқда.

Экипаж таркибида 4 киши бор: истеъфодаги космонавт Майкл Лопес-Алегрия, шунингдек, АҚШ, Канада ва Исроилдан уч нафар молиячи.

«Уларнинг ҳар бири ўз чиптаси учун тахминан 55 миллион доллар тўлаган», — деди Bloomberg агентлигига Axiom асосчиси Ким Гаффарян.

Саёҳат дастурига тижорий тадбирлар, лаборатория тажрибалари ва испан-америкалик ошпаз ва ресторатор Хосе Андерсон томонидан яратилган ошхона киради.

Тижорий космик саёҳатга талаб юқори, деди Гаффарян, компания кейинги иккита миссия учун жойларни сотади ва бошқа Ах-4 миссияси учун ҳам жойларни сотишга ҳаракат қилади.

Axiom Space экипажини ХКСда америкалик ва немис астронавтлари, шунингдек, россиялик Сергей Корсаков, Олег Артемиев ва Денис Матвеев кутиб олади.

«Роскосмос» раҳбари Дмитрий Рогозин ХКС бўйича ҳамкорлик тугатилганини маълум қилганига қарамай, NASA маъмуриятининг космик операциялар бўйича ўринбосари Кети Людерс ХКС тинч жой бўлиб қолаётганини айтди.

NASA Россиянинг «Союз» космик кемасига бўлган ишончни камайтириш учун SpaceX Crew Dragon парвозларига буюртмаларни оширмоқда.

Таъкидланишича, бу ҳаракат NASA учун жуда муҳим, у аллақачон Blue Origin’s Orbitал Reef ва Nanoracks’ Starlab билан паст Ер орбитасида саноат паркларини яратиш ва шахсий космик парвозларни кўпайтириш учун ҳамкорлик қилишга ҳаракатни бошлаган.