Ўзбекистонда пенсия тайинлашнинг янги тартиби тасдиқланди
Қарор билан фуқаро пенсия олишни сўраб пенсия олиш ҳуқуқи пайдо бўлган кундан бошлаб исталган вақтда, бирор муддат билан чекланмаган ҳолда мурожаат этиш ҳуқуқига эга
Вазирлар Маҳкамасининг 2022 йил 14 октябрдаги қарори билан «Давлат пенсияларини тайинлаш ва тўлаш тартиби тўғрисида»ги низом тасдиқланди.
Қарор билан 2005 йил 1 январдан аввалги даврлар учун иш стажи шахснинг фақат меҳнат дафтарчасидаги (электрон меҳнат дафтарчасидаги) мавжуд ёзувлар асосида тасдиқловчи ҳужжатлар талаб этилмайди.
Вафот этган боқувчининг меҳнатга лаёқатсиз фарзандлари учун 18 ёшга қадар, агар улар талаба бўлса, ўқишнинг бутун даврида, бироқ 23 ёшга тўлгунга қадар боқувчисини йўқотганлик пенсиясини тўланиши, шахснинг болани парваришлаш билан банд бўлган 6 йиллик таътил вақти пенсия ҳисоблашда иш стажи сифатида инобатга олинади.
Шунингдек, Ўзбекистон ҳудудида карантин жорий этилса, шахсга пенсия тайинлаш муддати фуқаронинг карантин даврида пенсия олиш ҳуқуқи пайдо бўлган пайтдан бошлаб тайинланади. Шу билан бирга, фуқарони ногиронлги бўлган шахс деб топиш фақатгина тиббий-ижтимоий эксперт комиссиялари томонидан тасдиқланади.
Маълум қилинишича, 2023 йил 1 январдан бошлаб пенсияларни ҳисоб-китоб қилиш учун қабул қилинадиган ўртача ойлик иш ҳақининг максимал миқдори пенсияни ҳисоблаш базавий миқдорининг ўн икки бараваридан келиб ҳисобланади.
Бундан ташқари, қуйидагилар тасдиқланди:
- давлат пенсияларини тайинлаш учун мурожаат қилиш, пенсиялар тайинлаш учун зарур бўлган ҳужжатларни тақдим қилиш;
- давлат пенсияларини тайинлашда меҳнат стажи, хусусан, айрим тоифа фуқаролар учун имтиёзли асослардаги меҳнат стажини ҳисоблаш тартиби;
- давлат пенсияларини тайинлашда устама ҳақларини ҳисоблаб чиқиш тартиби;
- тайинланган давлат пенсиялари турини ўзгартириш, қайта ҳисоблаш ва тиклаш тартиби;
- тайинланган давлат пенсияларини тўлаш ва чегирмаларни амалга ошириш тартиби тасдиқланди.
Шунингдек, ташкилот маъмурияти ходим пенсия ёшига етган кунидан кечиктирмай унинг пенсия олиш ҳуқуқига эга бўлганлигини билдиришга мажбур.
Аввалроқ Ўзбекистонда пенсия ва нафақалар оширилиши ҳақида хабар қилинганди.