Алюминий нархи тарихий рекордини янгилаб, 3294 долларгача кўтарилди. Бу ҳақда «Коммерсантъ» хабар берди.

Маълум қилинишича, Лондон металл биржасидаги (LME) савдолар давомида алюминий нархи ўзининг тарихий максималини янгилаган ҳолда, бир тонна учун 3294 долларгача кўтарилган. Алюминий нархининг аввалги рекорди 2008 йилнинг июлида қайд этилган. Ўшанда металлнинг бир тоннаси 3292 долларга баҳоланган эди.

Таъкидланишича, алюминий нархи кетма-кет бир неча кундан бери ўсиб бормоқда. Таҳлилчиларнинг прогнозларига кўра, алюминийга бўлган талаб 2025 йилгача йилига қарийб 3 фоизга ошади.

Аввалроқ Brent нефти нарх ўсиши бўйича 7 йиллик рекордни янгилагани хабар қилинганди. Шунингдек, Алишер Усмонов «янги олтин»га айланадиган металл номини айтгани ҳақида хабар берилди.