Binance криптовалюта бозорини тиклаш учун 1 млрд доллар ажратади
Дунёдаги энг йирик криптовалюта биржаларидан бирининг оператори Binance Holdings криптовалюта бозоридаги муаммоли активларни сотиб олиш учун тахминан 1 миллиард доллар ажратади. Криптовалюта бозори амалга оширилмаган лойиҳалар ва глобал иқтисодий таназзул сабаб 1,4 трлн доллардан кўпроқ зарар кўрди
Дунёдаги энг йирик криптовалюта биржаларидан бирининг оператори Binance Holdings криптовалюта бозоридаги муаммоли активларни сотиб олиш учун тахминан 1 миллиард доллар ажратади. Бу ҳақда Bloomberg хабар берди.
«Агар бу етарли бўлмаса, биз кўпроқ маблағ ажратишимиз мумкин», – деди Binance Holdings раҳбари Чанпэн Чжао.
Аввалроқ, Чжао, FTX банкротлигидан сўнг моҳиятан энг йирик криптовалютага айланган Binance криптовалюта бозорини тиклашни мақсад қилган фонд яратишни режалаштираётганини ҳам айтди. Тадбиркорнинг фикрига кўра, жамғармадан тушган маблағлар ликвидлик муаммосига дуч келган «кучли» лойиҳаларга йўналтирилади.
Binance асосчиси ва миллиардер Чжао криптовалюта бозоридаги нотинчлик даврида асосий шахсга айланди. Бу бозор жорий йилда бир қатор муаммолар, жумладан, амалга оширилмаган лойиҳалар ва глобал иқтисодий таназзул тсабаб 1,4 трлн доллардан кўпроқ зарар кўрди. Ушбу қийинчиликлар криптовалюталар билан шуғулланадиган кўплаб компанияларнинг банкротлик занжирига дуч келишига олиб келди.
