Агар Буюк Британия газ танқислигига дуч келса, мамлакат континентал Европага энергия етказиб беришни бутунлай тўхтатишга киришиши мумкин. Бу ҳақда Financial Time манбалари хабар бермоқда.

Маълум қилинишича, Буюк Британиянинг бир қатор энергетика компаниялари мамлакат ҳукуматини иқтисодиёт учун юзага келиши мумкин бўлган салбий оқибатлар туфайли бундай қарорлардан воз кечишга чақирган.

Нашрнинг қайд этишича, ички бозорда ресурслар кескин танқислиги юзага келган тақдирда Буюк Британия Шимолий денгиз орқали ўтувчи ва Бельгияга олиб борувчи икки томонлама коннектор орқали газ етказиб беришни тўхтатади.

National Grid электр компанияси маълумотларига кўра, Буюк Британия ҳукумати ҳар йили етказиб бериш режасини кўриб чиқади ва жорий қарор вазиятни акс эттиради.

Европа газ компаниялари Буюк Британияни ЕИ билан ҳамкорликни давом эттиришга чақирди ва коннекторни узишнинг нохуш оқибатларидан огоҳлантирди.

Март ойида Британия янги схема бўйича Россия гази учун рублда тўлашдан бош тортган эди. Россия рубли газ тўлови схемаси бўйича тўловлар амалга оширилиши керак бўлган «Газпромбанк» Британия санкциялари ҳозирда остида.

Қиролликнинг молиявий санкцияларни қўллаш бошқармаси (OFSI) «Газпромбанк» ва унинг шўба корхоналарига фақат 31 майгача ЕИга газ етказиб бериш учун тўловларни олиш имконини берувчи лицензия берган.

Аввалроқ Исроил Европа Иттифоқи давлатларига табиий газ экспорт қилиш бўйича келишувни имзолаганди.

Россия, ЕИ ва газ

Россия нефтига қисман эмбаргони ўз ичига олган санкцияларнинг олтинчи пакети қабул қилинганидан сўнг Европа Иттифоқи Россиядан газ импортини тақиқлашни ўз ичига олиши мумкин бўлган еттинчи санкциялар пакети устида иш бошлади.

Бироқ энергетика бўйича Россияга энг тобе бўлган давлатлар бунга қарши чиқмоқда, баъзи Европа давлатлари эса Россиядан тўғридан-тўғри газ олишни аллақачон тўхтатган.

Масалан, аввалроқ Польша, Нидерландия, Дания, Болгария ва Финляндия янги схема бўйича Россия гази учун рублда пул тўлашдан бош тортган эди.