Christie’s аукцион уйи 66 та метеоритни рекорд нархда сотувга қўйди
Фазо жисмларидан бири 500 минг доллардан 800 минг долларгача баҳоланмоқда.
2021 йилда Christie’s аукционида метеоритларга бўлган қизиқиш крипто-инвесторлар туфайли айниқса юқори бўлди. Бу ҳақда Bloomberg ёзмоқда.
Қайд этилишича, 2022 йил аукцион фазонинг турли қисмларидан Ерга қулаган метеоритларнинг 66 тасини сотувга қўяди. Улардан бири 500 минг доллардан 800 минг долларгача баҳоланмоқда.
2021 йил Christie’s аукционга қўйилган барча 75 та метеоритни сотди, улардан 72 таси белгиланган нархдан қимматроқ сотилган.
«Бу рекорд келишув эди», — дейди компаниянинг фан ва табиий тарих бўлими раҳбари Жеймс Хислоп.
Хислопнинг таъкидлашича, сотувларнинг ўсиши крипто саноатидаги янги инвесторлар билан боғлиқ.
«Ҳар бир сўнгги сотувдан сўнг харидорларнинг ўртача ёши пасайиши қизиқ ва бунинг сабабларидан бири криптоиндустрияда пул ишлаб топганлар кўплиги ва улар одатда ёш бўлади», — деб тушунтирди у.
Таъкидланишича, бундай харидорлар ўзларини «криптобойлар» деб атайди.
«Охирги сотувда иштирок этганларнинг баъзилари ҳақиқатан ҳам метеоритларни сотиб олишлари мумкинлигини англаб етдилар ва энди шижоатга тўладирлар», — дея қўшимча қилди эксперт.
2022 йилдан бошлаб 66 та лот Christie’s аукцион уйида 9-23 февраль кунлари сотувга чиқарилади.
Улардан бири 500 мингдан 800 минг долларгача баҳоланмоқда. Бу Ерга тушган Марснинг учинчи энг катта бўлагидир.
Маълум қилинишича, метеоритнинг нархи унинг ҳажми, шакли, тарихи ва кимёвий таркибига қараб белгиланади. Шу билан бирга, мутахассиснинг таъкидлашича, барча катта лотлар «логистик даҳшатли туш» га айланади. Мисол учун, Намибиядаги Хоба метеоритининг оғирлиги тахминан 60 тоннани ташкил этади ва Америка табиий тарих музейидаги Уилламетт метеоритининг оғирлиги 15,5 тоннани ташкил қилади.
