Cув юзасига ўрнатиладиган капсулали бинолар концепцияси тақдим этилди
Ocean Builders стартап компанияси сув юзасида ёки денгиз ва океанларнинг қирғоқ зонасида ўрнатилиши мумкин бўлган капсулали турар-жой бинолари концепциясини тақдим этди. Компания аллақачон олдиндан буюртмаларни қабул қила бошлаган.
Ocean Builders стартап компанияси сув юзасида ёки денгиз ва океанларнинг қирғоқ зонасида ўрнатилиши мумкин бўлган капсулали турар-жой бинолари концепциясини тақдим этди. Бу ҳақда USA Today хабар берди.
Маълум бўлишича, SeaPod денгиз сатҳидан уч метр баландликда, бир бутун тузилмани ҳавода ушлаб турадиган ва левитация эффектини яратадиган битта катта қозиқ устига ўрнатилади. Кўшимчасига панорамали кўриниш ва замонавий уйларда мавжуд бўлган барча қулайликлар яратилади.
Таъкидланишича, компания аллақачон олдиндан буюртмаларни қабул қила бошлаган — денгиз бўйидаги уйни 100 долларга ижарага олиш мумкин, уйнинг умумий нархи эса 295 минг доллардан 1,5 миллион долларгача бўлиши айтилган.
Аввалроқ Илон Маскнинг компанияси Лас-Вегасда ер ости туннелини тақдим этганди. Унга кўра, узунлиги 2,7 километр бўлган туннель Лас-Вегаснинг икки қисмини боғлайди. Бу Маскнинг компанияси кейинги бир неча йил ичида қурадиган ер ости туннель тармоғининг бир қисми бўлади.