Дунёнинг энг йирик нефть ишлаб чиқарувчи Saudi Aramco компаниясининг соф фойдаси 2022 йилнинг биринчи чорагида 39,5 миллиард долларни ташкил этди, бу 2021 йилнинг шу даврига нисбатан 82 фоизга кўпдир. Даромадлар компаниянинг 2019 йилдаги IPO’дан кейинги рекорди бўлди, деб ёзади Bloomberg ўз ҳисоботига таяниб.

Таъкидланишича, Aramco Россиянинг Украинага ҳужуми ва Россия экспортига қарши санкциялар фонида нефт нархининг сезиларли даражада кўтарилиши сабаб даромадларини оширишга муваффақ бўлди. Хомашё нархи 45 фоизга ошиб, бир баррель учун 110 долларни ташкил қилди.

«Даромаднинг ўсишига Саудия Арабистони томонидан ОПЕК+ келишуви доирасида нефт қазиб олишнинг босқичма-босқич оширилиши ҳам ёрдам берди», деб таъкидлайди Bloomberg.

Охирги кечада картель июль ойидан бошлаб нефт қазиб олиш ҳажмини ошириш режалаштирилганидан четга чиқмади — кунига 432 минг баррелга ўсди.

Saudi Aramco’нинг эркин пул оқими қарийб 31 миллиард долларга кўтарилди, бироқ компания чораклик дивидендларини ўзгаришсиз 18,8 миллиард долларга қолдиришга қарор қилди.

Агентликнинг ёзишича, компания қарзининг ўз капиталига нисбати декабрдаги 14 фоиздан март ойининг охирида 8 фоизгача пасайган.