Ўзбекистонда қабул қилинган норматив ҳужжатларга мувофиқ Энергетика вазири ўринбосарлари фаолияти самарадорлигининг (KPI) асосий кўрсаткичлари тасдиқланди. Бу ҳақда вазирлик матбуот хизмати хабар берди.

Маълум қилинишича, 2021 йилнинг иккинчи ярим йиллигидан бошлаб, KPI тизими бўйича баҳолаш натижалари ҳақида жамоатчиликни ҳар чоракда хабардор қилиб борилади. Энергетика вазирининг биринчи ўринбосари томонидан 7 та мезондан иборат баҳолашнинг асосий мезонлари бўйича 9 та кўрсаткичлар амалга оширилмоқда.

Қайд этилишича, 2021 йил III чорак якуни билан Энергетика вазирининг биринчи ўринбосари Азим Аҳмадхўжаев фаолияти умумий самарадорлик кўрсаткичи (УСК) 114,8 фоизни ташқил этган ва фаолият кўрсаткичлари ижроси «аъло» деб баҳоланган. Шунингдек, Энергетика вазирининг электр энергетика масалалари бўйича ўринбосари Шерзод Хўжаев томонидан 8 та мезондан иборат баҳолашнинг асосий мезонлари бўйича 13 та кўрсаткичлар амалга оширилмоқда.

Маълум бўлишича, 2021 йил III чорак якуни билан Энергетика вазирининг электр энергетика масалалари бўйича ўринбосари фаолияти умумий самарадорлик кўрсаткичи 104,8 фоизни ташқил этган ва фаолият кўрсаткичлари ижроси «аъло» деб баҳоланган.

Шу билан бирга, Энергетика вазирининг нефть-газ масалалари бўйича ўринбосари (вакант) йўналишлари бўйича 8 та мезондан иборат баҳолашнинг асосий мезонлари бўйича 8 та кўрсаткичлар амалга оширилаётгани маълум қилинди.

Маълумотга кўра, 2021 йил III чорак якуни билан Энергетика вазирининг нефть-газ масалалари бўйича ўринбосари (вакант) лавозими фаолияти умумий самарадорлик кўрсаткичи (УСК) 96,7 фоизни ташқил этган ва фаолият кўрсаткичлари ижроси «яхши» деб баҳоланган.

Аввалроқ Тошкентда Туркия компанияси билан электр энергияси бўича 109 миллион долларлик лойиҳа амалга оширилиши хабар қилинганди. Шунингдек, Uzbekistan Airways учувчиларни саралаш учун ҳужжатлар қабул қилишни бошлагани ҳақида хабар берилди.