Facebook россиялик фойдаланувчиларнинг «дўстлар» рўйхатини вақтинча яширади
Компания томонидан 26 февраль куни украиналик фойдаланувчиларни ҳимоя қилиш учун худди шундай чоралар кўрилган.
Россиялик Facebook фойдаланувчилари хавфсизлик нуқтаи назаридан ўз саҳифаларини блоклаши мумкин. Бу ҳақда Meta блогида хабар берилди.
Маълум қилинишича, фойдаланувчилар ўз саҳифаларини блоклагач уларнинг контенти, шарҳлари ва аватарларига фақат дўстлар кириш ҳуқуқига эга бўлади. Шунингдек, компания Instagram фойдаланувчиларига аккаунт хавфсизлиги ҳақида эслатмалар юборди.
Хусусан, улардан махфийлик созламаларини текшириш ва саҳифаларни яшириш сўралган. Кейинги қадам сифатида Meta кучли пароль ўйлаб топишни ва икки факторли аутентификацияни ўрнатишни маслаҳат беради.
Бундан ташқари, 26 февраль куни украиналик фойдаланувчиларни ҳимоя қилиш учун компания томонидан худди шундай чоралар кўрилган.
Аввалроқ Facebook ва Twitter Украинага қарши ташвиқот олиб борган ботларни блоклагани хабар қилинганди. Шунингдек, Facebook Россия давлат ОАВларига реклама жойлаштиришни тақиқлагани ҳақида хабар берилди.
