Ford компанияси Bronco йўлтанламасининг «зарядланган» версияси — Raptor флагманини тақдим этди. Бу ҳақда «Коммерсантъ» хабар берди.

Янги версия Ford Performance заводининг пойга бўлими томонидан яратилган бўлиб, у ихтиёрий Sasquatch пакетига эга 5 эшикли Bronco Wildtrack’га асосланган. Raptor мустаҳкамланган кузовни, мустаҳкамланган ва қисман қайта ишланган шассига эга бўлган. BFGoodrich йўлтанламас шиналари, мустаҳкамланган тўлиқ ғилдиракли узатма билан 17 дюймли ғилдираклар мавжуд.

Янгилик учун фақат 400 от кучига эга 3 литрли EcoBoost V6 бензинли турбо двигатели мавжуд бўлиб, у 10 поғонали автомат узатмалар қутиси ва тўлиқ ғилдиракли узатма билан бирлаштирилган. Йўлтанламас, шунингдек, бир нечта товуш вариантларига эга спорт услубидаги ишланган газни чиқариш тизими билан жиҳозланган.

Ташқи томондан, Bronco Raptor ғилдирак камарининг кенгайтмалари, махсус радиатор панжараси, тўқ сариқ рангли юриш чироқлари, шунингдек, олд қанотлари ва қўшимча ҳаво олиш жойларига эга капот билан ажралиб туради. Интерьер ёрқин декоратив элементларга эга, рақамли ускуналар панели янги Performance View режимини олган, рулда эса шахсий созламаларга кириш учун бармоқ изи сенсори ўрнатилган.

АҚШда Ford Bronco Raptor учун буюртмалар 2022 йилнинг баҳорида очилади, йўлтанламас эса шу ёзда сотувга чиқарилади.

Аввалроқ Ford Mustang электромобилини ишлаб чиқаришни уч баравар ошириши хабар қилинганди. Шунингдек, Ford йўлтанламас Bronco’нинг пойга версиясини тақдим этгани ҳақида хабар берилди.