Ҳиндистон буғдой экспорт қилишни тақиқлайди
Россиянинг Украинага ҳужуми фонида дунёда буғдой етишмаслиги мумкинлиги ҳақидаги хавотирлар пайдо бўлди.
Ҳиндистон ҳукумати озиқ-овқат хавфсизлигини таъминлаш ҳамда қўшни ва муҳтож давлатларга ёрдам кўрсатиш мақсадида мамлакатдан буғдой экспортини тақиқловчи фармон чиқарди, деб хабар бермоқда Times of India ҳужжат матнига таяниб.
Қайд этилишича, буғдой экспортига фақат «қайтариб бўлмайдиган аккредитив берилган таъминот»га нисбатан рухсат этилади.
«Экспортга Ҳиндистон ҳукумати томонидан бошқа мамлакатларга озиқ-овқат хавфсизлиги эҳтиёжларини қондириш учун берилган рухсатнома асосида ва уларнинг ҳукуматларининг илтимосига биноан рухсат берилади», дейилади хабарда.
Россиянинг Украинага ҳужуми фонида дунёда буғдой етишмаслиги мумкинлиги ҳақидаги хавотирлар пайдо бўлди.
Эслатиб ўтамиз, Қозоғистон ҳам буғдой ва ун экспортини чеклаб қўйди. Мамлакат буғдойининг асосий бозорлари Ўзбекистон, Афғонистон, Тожикистон ва Қирғизистон (умумий буғдой импортининг 90 фоизи) ҳисобланади.