Илон Маск Twitter нархи қайта кўриб чиқилиши мумкинлигини айтди
Спам-ботлар ва сохта аккаунтлар ижтимоий тармоқ фойдаланувчилари аккаунтларининг 20-25 фоизини ташкил қилиши мумкин.
Дунёнинг энг бой миллиардери Илон Маскнинг айтишича, Twitter билан тузилган битим «пастга қараб» қайта баҳоланиши мумкин. Бу ҳақда Reuters Маск нутқ сўзлаган Майамидаги анжуман иштирокчиларига таяниб хабар бермоқда.
Унинг сўзларига кўра, спам-ботлар ва сохта аккаунтлар ижтимоий тармоқ фойдаланувчилари аккаунтларининг 20-25 фоизини ташкил қилиши мумкин. Илгари айнан ушбу акциянинг мустақил баҳоланиши битимнинг тўхтатилишига сабаб бўлган эди.
Илон Маск, конференция иштирокчиларидан бирининг сўзларига кўра, Twitter нархини пасайтириш йўналишида қайта кўриб чиқиш мумкинлигини эълон қилган.
Матбуот учун ёпиқ ўтказилган анжуман иштирокчиларининг сўзларига кўра, Маск спам-ботлар (автоматлаштирилган аккаунтлар) ижтимоий тармоқ фойдаланувчиларининг 20-25 фоизини ташкил қилиши мумкинлигини айтган.
Аввалроқ Илон Маск Twitter’ни сотиб олишга камроқ шахсий пул сарфлаш йўлини қидираётгани ҳақида хабар берилганди. Шунингдек, миллиардер Twitter’ни айрим фойдаланувчилар учун пуллик қилишни таклиф этди.
Шунингдек, Microsoft асосчиси Билл Гейтс Tesla бош директори Илон Маск Twitter’ни сотиб олганидан кейин, айниқса, ижтимоий тармоқларда нотўғри маълумотлар тарқалишидан хавотир кучаяётган бир пайтда платформа қандай ўзгариши номаълумлигини айтди.
Шунингдек, Маск Twitter’ни сотиб олиш ишлари тугаганидан сўнг бир неча ой давомида компанияга вақтинчалик бош директор бўлиши мумкинлиги ҳақида хабар берилди.
Илон Маск инвесторлар учун Twitter’ни 2028 йилгача ривожлантириш бўйича тақдимот тайёрлади, унда Маск компаниянинг йиллик даромадини беш бараварга, яъни 26,4 миллиард долларгача оширишга ваъда берди.