Илон Маск Украинадаги Starlink терминалларини молиялаштирмоқчи эмас
SpaceX компанияси Украинадаги Starlink сунъий йўлдош интернети антенналарини молиялаштира олмаслиги ҳақида Пентагонни огоҳлантирди
Илон Маскнинг SpaceX компанияси Пентагонни Украинадаги Starlink терминалларини энди молиялаштира олмаслиги ҳақида огоҳлантирди, дея хабар бермоқда CNN.
SpaceX компанияси Пентагонга йўллаган мактубида Украинада мустақил равишда хизмат кўрсатишни давом эттира олмаслигини ва йил охиригача 120 миллион доллардан ортиқ бўлган терминалларни молиялаштиришни ўз зиммасига олишни сўради.
Хабарда келтирилишича, сентябрь ойида SpaceX Пентагонга Starlink’га бундан буён мустақил равишда хизмат кўрсатишни давом эттира олмаслиги ҳақида мактуб юборган ва Мудофаа вазирлигидан маблағни ўз зиммасига олишни сўради. Қайд этилишича, компания учун Starlink йил охиригача 120 миллион доллардан кўпроқ, кейинги 12 ой ичида эса тахминан 400 миллион долларга тушишини айтган.
«Биз Украинага терминалларни етказиб беришни давом эттира олмаймиз ёки етказиб берилган терминалларнинг ишлашини номаълум муддатга молиялаштира олмаймиз»,- деб ёзади SpaceX давлат харидлари директори хатида.
Пентагонга юборилган SpaceX ҳужжатлари орасида Украина Қуролли Кучлари Бош Қўмондони генерал Валерий Залузний номидан яна қарийб 8000 та Starlink терминалларини сўраш сўрови ёзилган. Шунингдек, SpaceX маълумотларига кўра, Киев қабул қилган 20 минг терминалнинг тахминан 85 фоизи АҚШ ва Польша каби давлатлар томонидан молиялаштирилган.
