Италияда россиялик миллиардер Мельниченконинг яхтаси ҳибсга олинди
Дунёдаги энг катта хусусий елканли яхтанинг нархи 530 млн еврога баҳоланмоқда.
Италияда россиялик миллиардер Андрей Мельниченконинг яхтаси Европа Иттифоқи санкциялари доирасида ҳибсга олинди. Бу ҳақда La Repubblica хабар берди.
Маълум қилинишича, Италия молия гвардияси Европа Иттифоқи санкциялари доирасида миллиардер Андрей Мельниченконинг яхтасини ҳибсга олган. Мельниченкога яқин манба яхтанинг ҳибсга олингани ҳақидаги маълумотни тасдиқлади. Тадбиркорнинг матбуот котиби изоҳ беришдан бош тортди.
Кема Sailing Yacht А деб номланади ва у дунёдаги энг йирик хусусий елканли яхта ҳисобланади. Яхтанинг узунлиги 142 метр, сув ўтказувчанлиги 13 минг тоннага яқин. Унинг нархи 530 миллион еврога баҳоланмоқда. Яхта Италиянинг Триесте портида бўлган.
Қайд этиш керакки, 9 март куни Европа Иттифоқи россиялик тадбиркор ва сиёсатчиларга, жумладан, Forbes рўйхатининг бир неча аъзоларига: Мельниченко, Дмитрий Пумпянский, Дмитрий Мазепин ва Вадим Мошковичга қарши янги санкциялар киритди.
Уларга Европа Иттифоқига кириш тақиқланган, чора-тадбирлар Европа Иттифоқи мамлакатлари юрисдикциясидаги активларни музлатишни ҳам назарда тутади. Санкциялар қўлланилгандан сўнг, ишбилармонлар ўз компанияларидаги лавозимларини тарк этишга қарор қилди.
Мельниченко санкциялар рўйхатига киритилганидан сўнг, ўзининг асосий активлари — «Еврохим» ва СУЭКдаги улушини 0 фоизгача камайтирди. Бизнесмен вакили бу «Еврохим» ва СУЭК фаолиятини давом эттириши учун қилинганлигини маълум қилди. Санкциялар киритилишидан олдин Мельниченко «Еврохим»нинг 100 фоиз ва СУЭКнинг 92,2 фоиз акцияларига эгалик қилган.
Ушбу санкцияларнинг киритилиши сабабларидан бири сифатида ЕИ Россиянинг Украинага ҳарбий ҳужумни бошланганидан кейин 24 февраль куни миллиардерларнинг Президент Владимир Путин билан учрашувда иштирок этганини кўрсатди.
«Мельниченко Россия ҳукумати билан яқин алоқада бўлган россиялик тадбиркорларнинг энг нуфузли доирасига киради», ЕИ баёнотида дейилади асосда.
Аввалроқ Италияда Россиянинг энг бой миллиардерига тегишли яхта қўлга олингани хабар қилинганди. Шунингдек, Германия ҳукумати Гамбургдаги кемасозлик заводида Алишер Усмоновнинг 600 миллион долларлик «Дилбар» мегаяхтасини тўсиб қўйгани ҳақида хабар берилди.