JPMorgan бош директори Жейми Даймон 2021 йил 34,5 миллион доллар ишлаб топди. Бу ҳақда «Интерфакс» хабар берди.

Активлари бўйича АҚШнинг энг йирик банки JPMorgan Chase & Co. бош директори Жейми Даймон 2021 йил учун 34,5 миллион доллар компенсация олади. Даймоннинг умумий компенсацияси миқдори 2020 йилга нисбатан 3 миллион долларга ошади.

Банк раҳбарининг базавий маоши 2011 йилдан бошлаб 1,5 миллион доллар қилиб белгиланган, яна 5 миллион долларни бонус сифатида олади. Иш ҳақининг асосий қисми эса акциялар кўринишида тўланади. Даймон бу акциялардан компания маълум мақсадларга эришгач, бир неча йил ўтиб фойдаланиши мумкин.

Таъкидланишича, JPMorgan 2021 йили 48,3 миллиард доллар соф даромад олган. Бу кўрсаткич аввалги рекордга нисбатан учда бир баравар кўп.

Даймон 2005 йилдан бери банкнинг бош директори лавозимида ишлаб келади. 2021 йилнинг бошида у банкдан 50 миллион доллар миқдорида махсус бонус олган эди. Шу билан JPMorgan уни камида яна беш йил бош директор лавозимида қолдиришга уринган.

Қайд этилишича, 2020 йилда Даймон Уолл-стритнинг энг кўп маош олувчи бошқарувчиси унвонини Morgan Stanley’даги ҳамкасби Жеймс Горманга бой берган, ўшанда Морган 33 миллион доллар ишлаб олганди.

JPMorgan акциялари 2022 йил бошидан бери 6,75 фоизга арзонлашган, бироқ сўнгги 12 ой ичида банк капиталлашуви 10,4 фоизга ошиб, 440 миллиард долларни ташкил этган.

Аввалроқ JPMorgan банки 200 миллион доллар жаримага тортилгани хабар қилинганди. Шунингдек, 2021 йилда энг кўп бойлик орттирган 10 нафар миллиардер ҳақида хабар берилди.