Kia корпорацияси Лос-Анжелесдаги AutoMobility кўргазмасида ўзининг тўлиқ электрли Kia Concept EV9 йўлтанлмасини тақдим этди. Бу ҳақда Kia сайтида хабар берилди.

Кроссовер модулли E-GMP асосида қурилган. Уч қаторли салонда бир нечта трансформация вариантлари мавжуд: «ишчи» Active Mode, «релакс» Pause Mode ва Enjoy Mode — очиқ ҳавода дам олиш учун.

«Ташқи кўриниш энг сўнгги технологияларни ўзида мужассам этган замонавий ва нафис ички салон билан уйғунлашган. Concept EV9.нинг ички ва ташқи кўринишидаги ажойиб эстетикаси Kia’нинг янги дизайн фалсафаси бўлган Opposites United томонидан синчковлик билан такомиллаштирилган», — дейилади хабарда.

Олд панелнинг марказида асбоблар панели ва мультимедия учун умумий бўлган 27 дюймли сенсорли экран мавжуд. Бундан ташқари, радиатор панжарасига ўрнатилган фара ячейкалари, анъанавий нометалл ўрнига камералар ва 22 дюймли ғилдиракларни ҳам қайд этиш мумкин.

Тўлиқ қувватланган йўлтанламас 300 милягача масофани босиб ўтиш имконига эга. Шунингдек, у 350 кВт қувватга эга зарядловчи билан янги авлод ультра тез зарядлаш технологиясига эга бўлиб, ўзининг илғор аккумуляторли электр узатиш тизими 20–30 дақиқада энергияни 10 фоиздан 80 фоизгача тўлдириш имконини беради.

Аввалроқ BMW янги Concept XM кроссоверини тақдим этганди.