Дунёдаги энг йирик Bridgewater Associates хедж-фонди асосчиси Рэй Далио барча байрамларда невараларига олтин танга беришини айтди. Унинг сўзларига кўра, бу болаларни пулни исроф қилмасликка ўргатиш учун энг яхши совғадир.

Далионинг совғаси махсус кўрсатмага эга: олинган пулни тежаш керак — уни фақат фавқулодда ҳолатларда сарфлаш мумкин.

«Мақсад — неваларим тангаларни ўз фарзандларига топшириши», — дейди 72 ёшли Далио.

Миллиардернинг сўзларига кўра, бундай совға ўсиб келаётган ёш авлодга жамғарманинг қадрини англаб етишига ёрдам беради

«Мен уларга ўйинчоқлар беришим мумкин эди, лекин кейинги йил улар йўқ бўлиб кетади», — дейди Далио.

Маълумот учун, Далио Bridgewater компаниясига 1975 йилда 26 ёшида асос солган. Далионинг бойлиги 24 декабрь ҳолатига кўра 20 миллиард долларга баҳоланмоқда. Миллиардер 40 нафар энг бой америкаликлар қаторига киради. Унинг Bridgewater Associates фонди 154 миллиард долларлик активларни бошқаради.

Аввалроқ Миллиардер Абрамовичнинг ўғлига тегишли компания Лондон фонд биржасини тарк этиши хабар қилинганди.