Давлат статистика қўмитаси Ўзбекистон томонидан январь-октябрь ойларида экспорт қилинган мева-сабзавот ҳажми бўйича маълумот берди.

Қайд этилишича, 2021 йилнинг январь-октябрь ойларида қиймати 747,4 миллион долларга тенг бўлган 1,2 миллион тонна мева ва сабзавотлар экспорт қилинган.

Экспортда маҳсулотлар улуши қуйидагича:

• мева ва резаворлар – 267,2 минг тонна
• қуритилган мева ва резаворлар — 45,4 минг тонна;
• сабзавотлар — 649,1 минг тонна;
• қалампир — 13,9 минг тонна;
• узум — 169,6 минг тонна;
• майиз — 34,1 минг тонна;
• ерёнғоқ — 17 минг тонна;
• тарвуз-қовун — 80,6 минг тонна.

Аввалроқ Ўзбекистон 9 ойда қовун-тарвуз экспортидан қанча даромад қилгани ҳақида маълумот берилганди.