Ўзбекистон аэропортларида мультипортли бошқарув тизими жорий этилади
Uzbekistan Airways IPG компанияси билан замонавий бошқарув тизимларини етказиб бериш бўйича шартнома имзолаган
Uzbekistan Airports «Транспорт ва логистика — 2021» 17-халқаро кўргазмаси майдонларида IPG компанияси билан аэропорт фаолиятини бошқариш тизимлари ва қуйи тизимларини етказиб бериш ҳамда жорий этиш бўйича шартнома имзолади. Бу ҳақда компания матбуот хизмати хабар берди.
Маълум қилинишича, бошқарув компанияси томонидан шартнома Uzbekistan Airports бошқаруви раисининг ўринбосари Жавлон Умархўжаев, IPG компаниясидан бош директор Алексей Ципаков томонидан имзоланган.
Шартнома доирасида AODB аэропортнинг операцион базасини сақлаш тизимлари, авиакомпаниялар билан слот мувофиқлаштириш тизими ва SLOT жадвалини тузиш хамда FIDS йўловчиларни визуал хабардор қилиш тизими сотиб олинади.
«Ўзбекистоннинг барча аэропортларини бошқарадиган компания сифатида биз ягона марказ билан мультипорт тизимини жорий этишимиз керак эди, бу эса ресурслардан оқилона фойдаланиш имконини беради. Мультипорт тизими мавсумий ва кундалик парвоз режасини амалга ошириш, қатламларни бошқариш, йўловчилар учун ахборотни кўриш — рўйхатга олишни бошлаш ва тугатиш, парвозларнинг марказий жадвали учун мўлжалланган. Бу — аэропортда бўлиши керак бўлган асосий тизим. Бу ҳар бир аэропортнинг юрагидир», — дейди Uzbekistan Airports бошқаруви раиси Жавлон Умархўжаев.
Таъкидланишича, ушбу етказиб берувчи тендер натижалари бўйича танлаб олинган, унда Monitor Soft, ZAMAR, ARINC va TAV technologies каби хорижий компаниялар иштирок этган. Компания аэропорт фаолиятида кенг ваколатларга эга бўлиб, маҳсулот ва қулай савдо шартлари бўйича кенгайтирилган маълумотларни тақдим этган. Шартнома шартларига кўра, компания республика аэропортларига дастурий таъминот етказиб беради ва тизимни жорий этиш ва кейинчалик техник қўллаб-қувватлаш бўйича ишларни амалга оширади.
Аввалроқ Тошкентда Туркия компанияси билан электр энергияси бўича 109 миллион долларлик лойиҳа амалга оширилиши хабар қилинганди. Шунингдек, Uzbekistan Airways Ригага авиақатновлар сонини ошириши ҳақида хабар берилди.