Ўзбекистон ва Афғонистон 2022 йилда электр энергияси етказиб бериш бўйича 100 миллион долларлик шартнома имзолади. Бу ҳақда Anadolu Афғонистоннинг «Da Afghanistan Breshna Sherkat» давлат энергетика компаниясига таяниб хабар бермоқда.

Шартнома DDA Afghanistan Breshna Sherkat компанияси бош ижрочи директори (DABS) Ҳафиз Муҳаммад Амин ва Ўзбекистон Миллий электр тармоқлари раҳбари Дадажон Исақулов ўртасида имзоланган.

Келишув икки кун давом этган музокаралардан сўнг имзоланган. Шартнома қиймати 2 миллиард кВт/соатни ташкил этади ва унинг қиймати йилига 100 миллион долларга яқин бўлади.

Қайд этилишича, ташриф давомида DABS делегацияси 2021 йили имзоланган «Сурхон-Пули-Хумри» электр узатиш линиясини қуриш лойиҳасини ҳам муҳокама қилган. Афғонистон делегацияси Ўзбекистон билан тўхтатилган лойиҳалар бўйича ҳамкорлик қилишга ваъда берган ва тўхтатилган лойиҳалар хавфсизлигини таъминлашга тайёрлигини билдирган.

Ëзилишича, Марказий Осиёнинг ягона энергетика тизими Афғонистон энергетика тизимига фақат Ўзбекистон орқали уланган, яъни ягона энергия тизими мамлакатларида ишлаб чиқарилган электр энергияси фақат Ўзбекистон орқали экспорт қилиниши мумкин.

Аввалроқ «Ўзбекистон миллий электр тармоқлари» корхонасида Афғонистоннинг DABS компанияси делегацияси иштирокида «500 киловаттли Сурхон–Пули-Хумри» инвестиция лойиҳаси масалалари муҳокама қилингани ҳақида хабар берилганди. Аммо бунда Ўзюекистон томони битим ҳақида ҳеч қандай сўз юритмаган.