Ўзбекистонда 2021 йил онлайн аукцион орқали собиқ ҳарбий шаҳарча бино-иншоотлари 266,4 миллиард сўмга сотилиб, энг қиммат сотилган объект бўлди. Бу ҳақда E-auksion электрон савдо платформаси матбуот хизмати хабар берди.

Маълум қилинишича, Ўзбекистонда E-auksion электрон савдо платформасида 2021 йили жами 53 минг 784 та мулк савдога чиқарилган.

Қайд этилишича, бошланғич нархи 1 триллион 821 миллиард сўм бўлган 23 минг 691 та мулк 2 триллион 377 миллиард сўмга сотилган. Бу, мулклар аукцион натижасида 556 миллиард сўм қимматроққа сотилганини кўрсатади.

Шунингдек, аукционларда 107 минг 135 нафар иштирокчи қатнашган. Энг қиммат сотилган объект Собиқ ҳарбий шаҳарча бино-иншоотлари (266,4 миллиард сўмга сотилган) бўлган.

Бундан ташқари, бир лот учун 337 нафар иштирокчидан ариза келиб тушган. Бу энг кўп ариза берилган лот ҳисобланади. Таъкидланишича, энг узоқ давом этган аукцион 14 соат 59 дақиқа 36 сония давом этган.

Аввалроқ Ўзбекистонда 2021 йил биржа орқали қанча авторақам сотилгани маълум бўлгани хабар қилинганди.