Ўзбекистонда тадбиркорлик субъектларида текширув ўтказиш тартиби ўзгаради
Президент фармони билан янги тартиб 2022 йил 1 январдан кучга киради
Ўзбекистонда тадбиркорлик субъектларининг фаолиятида текширув ўтказиш тартибига ўзгаришлар киритилади. Бу ҳақда Ўзбекистон Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилнинг матбуот хизмати хабар берди.
Маълум қилинишича, Ўзбекистон Президентининг фармони билан 2022 йил 1 январдан қуйидаги тартиб ўрнатилиши белгиланган:
- назорат қилувчи органлар томонидан тадбиркорлик субъектлари фаолиятининг белгиланган тартибда тасдиқланган саволнома бўйича текширилиши;
- Савдо-саноат палатаси аъзоси бўлган тадбиркорлик субъектининг фаолиятини текширишда ушбу тадбиркорлик субъекти розилиги билан Савдо-саноат палатаси ходимлари иштирок этиши;
- Текширишларни рўйхатга олиш китобининг ҳисоби электрон тарзда Бизнес-омбудсман томонидан юритилиши;
- тадбиркорлик субъектлари фаолиятида текширувларни ўтказишга қонунбузилишларга йўл қўйилишининг олдини олиш бўйича профилактика тадбирлари белгиланган тартибда ўтказилгандан сўнг йўл қўйилиши, бундан солиқ текширувлари, жиноят ишлари ва тезкор-қидирув фаолияти доирасида, шунингдек, қонунчилик ҳужжатлари бузилиши ҳақидаги мурожаатлар ва маълумотлар асосида ўтказиладиган текширувлар мустасно.
Аввалроқ Ўзбекистонда айрим тадбиркорларга мол-мулк ва ер солиқларини тўлашни 6 ойга кечиктириш ҳуқуқи берилиши хабар қилинганди. Шунингдек, Ўзбекистонда 2021 йил биснес-омбудсманга мурожаатлар 2 баравар ортгани ҳақида хабар берилди.
Hi-Tech 16:39 · 11.03.2024
Қозоғистонда Apple’нинг расмий офиси очилиши мумкин
Жамият 14:28 · 11.03.2024
Ўзбекистонда электр таъминотидаги барча чекловлар олиб ташланди
Туризм 20:43 · 09.03.2024
Туркия 2023 йилда туризмдан 54,3 миллиард доллар даромад қилган
Life 19:36 · 09.03.2024
«Оскар» киномукофотининг тақдимотига қанча пул сарфланади?
Жамият 18:49 · 09.03.2024
2024 йил учун закот, фитр ва фидя миқдорлари белгиланди
Интервью
Рейтинг
Таҳлил