Ўзбекистонда жойлашган чет давлатлар капитали иштирокидаги корхоналар сони маълум қилинди
Ўзбекистонда 2022 йилнинг 1 cентябрь ҳолатига кўра, хорижий капитал иштирокидаги корхоналар ва ташкилотлар сони 14 706 тани ташкил этди. Бу миқдор 2021 йилнинг мос даврига нисбатан 1617 тага ошган.
Давлат статистика қўмитаси Ўзбекистондаги халқаро капитал иштирокидаги корхоналар сони ва уларнинг давлатлар кесимидаги тақсимотини маълум қилди.
Қайд этилишича, Ўзбекистонда 2022 йил 1 cентябрь ҳолатига кўра, 14 706 та чет эл капитали иштирокидаги корхона ва ташкилотлар мавжуд.
Фаолият кўрсатаётган хорижий капитал иштирокидаги корхоналар сони 2021 йилнинг мос даврига нисбатан 1617 тага ошган.
Шунингдек, Ўзбекистонда Россия капитали иштирокидаги корхоналар сони 2762 тани ташкил қилади. Кейинги поғоналарни мос равишда Туркия (2071 та), Хитой (2044 та), Қозоғистон (1195 та), Корея Республикаси (910 та), АҚШ (320 та), Қирғиз Республикаси (291 та), Тожикистон (283 та), Озарбайжон (247 та), Германия (213 та), Туркманистон (171 та) ва бошқалар (4199 та) эгаллаб турибди.
Эслатиб ўтамиз, халқаро капитал иштирокидаги корхоналар сони 1 апрель ҳолатига кўра 14 109 тани ташкил этганди.
Шунингдек, 2022 йил 1 август ҳолатига кўра чет эл инвестицияси иштирокидаги корхоналар инфографикаси маълум қилинганди.
