Ўзбекистоннинг олтин-валюта захиралари камайди
Захиралар, асосан, 20 миллиард 883,6 миллион долларга тенг олтин ва 13 миллиард 173,7 миллион долларга тенг Хорижий валютадаги захира активлардан иборат.
Ўзбекистоннинг олтин-валюта захиралари 2022 йил 1 апрель ҳолатига кўра, 35 миллиард 155,5 миллион долларни ташкил этиб, март ойига нисбатан 205,1 миллион долларга камайди. Бу ҳақда Марказий банк маълумотларида сўз боради.
Захиралар, асосан, 20 миллиард 883,6 миллион долларга тенг олтин ва 13 миллиард 173,7 миллион долларга тенг Хорижий валютадаги захира активлардан иборат. Ўзбекистон олтинининг соф ҳажми 10,9 миллион трой унцияни ташкил этмоқда.
Маълум бўлишича, Ўзбекистон ялпи халқаро захиралари 2022 йил бошидан 16,3 миллион долларга ёки 0,05 фоизга ошди. Бунда олтин нархининг йил бошидаги 1799,25 доллардан 1924,10 долларгача ўсишининг таъсири 1,36 миллиард долларни ташкил қилди.
Маълумот учун, Ўзбекистон Марказий банки 2021 йил декабрь ойида олтинни энг кўп сотиб олган харидорлардан бири бўлганди.
Comex биржасида 17 февраль куни олтин нархи 1,4 фоизга ошиб, бир унция учун 1900 долларни ташкил қилди. Бу 2021 йилнинг июнь ойидан бери кузатилган энг юқори кўрсаткич бўлиб қолди.