Пенсия бўйича маълумотларни Telegram орқали олиш мумкин бўлади
Пенсия жамғармасига бот орқали мурожаат йўллаш имконияти яратилган
Молия вазирлиги Ахборот технологиялари маркази ҳамда Пенсия жамғармаси билан ҳамкорликда Telegram мессенжерида давлат пенсия таъминоти соҳасида ахборот берувчи «Пенсия» боти яратилди. Бу ҳақда вазирлик ахборот хизмати хабар берди.
Маълум қилинишича, фуқароларга қўшимча қулайлик яратиш ва вақтни тежаш мақсадида яратилган бот орқали пенсия ва нафақа олувчи шахслар қуйидаги маълумотларни олиши мумкин:
- пенсия тайинланганликлиги ҳақида маълумотлар;
- пенсия тўлови бўйича маълумот;
- пенсия ва нафақа тайинлаш учун зарур ҳужжатлар.
Шунингдек, махсус Telegram бот орқали Пенсия жамғармасига мурожаат йўллаш имконияти ҳам яратилган.
Таъкидланишича, ботдан тўлиқ фойдаланиш учун фақатгина пенсия жамғармаси рўйҳатида мавжуд ҳамда «SMS-Пенсия» интерактив хизматига уланган фуқаролар фойдаланиши мумкин. «SMS-Пенсия» интерактив хизматига уланиш тартибини ҳавола орқали кўриш мумкин.
Аввалроқ Ўзбекистонда кам таъминланган оилаларга бола пули тўлаш тартиби ўзгартирилгани хабар қилинганди. Шунингдек, Asakabank Telegram’даги фирибгарлардан огоҳлантиргани ҳақида хабар берилди.
