Рейтинг. Ўзбекистон энг кўп цемент импорт қилаётган давлатлар
Рўйхатда Қозоғистон етакчилик қилмоқда.
Давлат статистика қўмитаси Ўзбекистон энг кўп цемент импорт қилаётган давлатлар тўғрисида маълумот берди.
Унга кўра, 2021 йилнинг январь-ноябрь ойларида хориждан Ўзбекистонга 121,4 миллион долларлик 2,5 миллион тонна цемент импорт қилинган. Бу кўрсаткич 2020 йилнинг мос даври билан солиштирилганда 286,4 минг тоннага кўп.
2021 йилнинг 11 ойида Ўзбекистон цемент импорт қилган асосий давлатлар:
- Қозоғистон — 1,1 миллион тонна;
- Тожикистон — 722,2 минг тонна;
- Қирғизистон — 642,5 минг тонна;
- Эрон — 53,1 минг тонна;
- Туркманистон — 35,6 минг тонна.
Аввалроқ Ўзбекистондаги энг йирик цемент заводи — «Қизилқумцемент» корхонасининг устав капиталидаги 86,9 фоиз акциялар пакетини хусусийлаштиришга тайёрлаш жараёни бошлангани ҳақида хабар берилганди. Шунингдек, Ўзбекистонда цемент ишлаб чиқарувчи корхоналарнинг фойда солиғи ставкасини 20 фоиздан 15 фоизга пасайтириш таклиф қилинди.