Рейтинг. Ўзбекистон энг кўп гўшт импорт қилаётган давлатлар
Рўйхатда Беларусь етакчилик қилмоқда
Давлат статистика қўмитаси Ўзбекистон энг кўп гўшт импорт қилаётган давлатлар ҳақида маълумот берди.
Қайд этилишича, 2021 йилнинг январь-октябрь ойларида Ўзбекистон хориждан 23,9 минг тонна гўшт импорт қилган. Маҳсулот импорти 2020 йилнинг мос даври билан солиштирилганда 7,3 минг тоннага ошган.
Ўзбекистон 2021 йилнинг январь-октябрь ойларида энг кўп гўшт импорт қилган давлатлар:
- Беларусь — 16,2 минг тонна;
- Қозоғистон — 3,5 минг тонна;
- Украина — 2,3 минг тонна;
- Россия — 606 тонна;
- Молдова — 600 тонна.
Ўзбекистонда 2021 йилнинг 9 ойида 1,9 миллион тонна гўшт етиштирилган.
Маълумот учун, Ўзбекистон 2021 йилнинг январь-сентябрь ойларида хориждан 21 минг 109 тонна гўшт импорт қилган.
Аввалроқ ноябрь ойида мол гўшти нархлари октябрь ойига нисбатан ўртача 0,8 фоизга арзонлашгани, йил бошидан буён ўртача 11,2 фоизга ошгани ҳақида хабар берилганди.
