Саудия Арабистони дунёдаги энг катта аэропортни қурмоқчи
Саудия Арабистони пойтахт Ар-Риёд шаҳрида йилига 185 млн йўловчига хизмат кўрсата оладиган дунёдаги энг йирик аэропортлардан бирини қуриш ниятида
Саудия Арабистони пойтахт Ар-Риёд шаҳрида йилига 185 миллион йўловчига хизмат кўрсата оладиган дунёдаги энг йирик аэропортлардан бирини қуриш ниятида. Бу ҳақда Саудия Арабистони валиаҳд шаҳзодаси Муҳаммад бин Салмон душанба куни маълум қилди.
Янги аэропорт олтита учиш-қўниш йўлаги билан жиҳозланади, бу эса 2030 йилга бориб 120 миллион кишига, 2050 йилга бориб 185 миллион кишига хизмат кўрсатиш имконини беради. Унга сарфланадиган электр энергияси қайта тикланадиган манбалардан олиниши кутилмоқда.
Глобал логистика, сайёҳлик ва транспорт маркази сифатидаги мавқеини оширади. Аэропорт 57 кв км майдонда жойлашади ва Саудия Арабистони давлат инвестиция фондига (PIF) тегишли бўлади.
