Маълум қилинишича, сентябрь ойида Ўзбекистонга Россиядан 78,3 минг нафар сайёҳ кириб келган. Бу 2022 йилнинг бошқа ойларига нисбатан энг юқори кўрсаткичдир. Шунингдек, Ўзбекистонга 2022 йилнинг 9 ойи давомида Россиядан 395,1 минг нафар россиялик ташриф буюрган.

Давлат статистика қўмитаси маълумотларига кўра, 2022 йилнинг январь-сентябрь ойларида 3,6 миллион нафар чет эл фуқаролари туристик мақсадларда Ўзбекистонга ташриф буюрган. Бу кўрсаткич 2021 йилнинг мос даври билан солиштирилганда 2,5 миллион нафарга ёки 3,2 бараварга ошган.

Қайд этилишича, Ўзбекистонга 9 ойда ойда энг кўп Қозоғистон (1076,2 минг нафар) фуқаролари туристик мақсадда ташриф буюрган.

Аввалроқ Тошкентда россияликларнинг оқими туфайли уйларнинг ижара нархи кескин кўтарилгани ҳақида хабар берилганди.